【台灣夜市名物】雞翅包飯脹卜卜飛到深水埗 @ 有一腿

燒雞翼好食, 釀入炒飯, 原來台灣夜市人氣熱爆, 前日開始, 香港都可以食到, 所以今日…「獨自去吃雞, 我寂寞找個伴」

台灣 夜市 名物 雞翅 包飯 有一腿 深水埗


燒雞翼炒飯, 台灣叫雞翅包飯, 完成製作過程後, 冷凍由台灣空運到港, 老闆阿Jack一邊燒雞翼, 一邊答:「前日第一日賣, 全日賣岀50隻, 依家只返一種嘅櫻花蝦味, 試試街坊反應先」

台灣 夜市 名物 雞翅 包飯 有一腿 深水埗


(原本台灣好多味嘅咩?) 試過十多款味道的Jack:「櫻花蝦最正, 淡淡地, 其他有泡菜味道又太濃, 紅蘿白, 青豆仲淡, 炸雞款式又好油..」(無得試, 我反而想食泡菜炸雞包飯…包頂頸)

台灣 夜市 名物 雞翅 包飯 有一腿 深水埗

店內有8種味粉可伴雞翼, 芝士、椒鹽、麻辣、檸檬、甘梅、蒜味、孜然、芥末和咖喱.

台灣 夜市 名物 雞翅 包飯 有一腿 深水埗

我叫阿Jack推介一款味道給我, 他說:「甘梅啦, 我最鍾意, 甜酸甜酸, 仲正過落蜜糖, 你信我…甘梅粉配雞翼入面啲紅油炒飯夾到不得了, 仲好食過配檸檬」(我好鍾意食烏梅…啱我呀!)

台灣 夜市 名物 雞翅 包飯 有一腿 深水埗

結果, 我一半保留原味, 一半配甘梅, 我一口咬入灑滿甘梅的一半, 配合滲滿雞味的炒飯, 本來:「唔夠瞓」的我, 也精神為之一振, 我直情可以用爽來形容, 愈食愈開心.

台灣 夜市 名物 雞翅 包飯 有一腿 深水埗


不過, 食完超滿足的甘梅味, 再食餘下的一半, …奇怪…啖而無味, 剛才的興奮感覺盡失喎…

台灣 夜市 名物 雞翅 包飯 有一腿 深水埗


阿Jack:「哎呀! 我唔記得提你食咗原味先, 甘梅味道超濃, 所以你另外一半會變到無晒味喇…真係唔好意思」(早知唔好太心急, 家陣似去到紅館準備入場, 先發現唔記得帶飛囉)

台灣 夜市 名物 雞翅 包飯 有一腿 深水埗


試畢雞翼炒飯後, 當然要試試日賣300條的店舖皇牌雞腿捲, 今次阿Jack建議我配芝士, 椒鹽, 因為是所有味粉中最強烈的選擇. (今次老闆Jack話…就無分食邊半先喇!!)

台灣 夜市 名物 雞翅 包飯 有一腿 深水埗

其實, 客人最多可以配多少款味粉?? 阿Jack話:「客人都係揀一至兩款, 落齊8款都得嘅, 不過味道溝埋咁怪, 啃唔啃得落先? 暫時都無人試過揀兩款以上味粉喎」(可能只有我係咁貪心想落晒…無蝕底掛)

台灣 夜市 名物 雞翅 包飯 有一腿 深水埗

我一口大啖咬入雞腿捲, 嘩!好熱..好熱..好熱呀…(點解同頭先雞翅包飯一樣, 都係影完相即食, 雞腿捲熱得好緊要)

台灣 夜市 名物 雞翅 包飯 有一腿 深水埗

阿Jack解釋:「頭先你食嘅雞翼, 係開口燒, 裡頭啲飯散熱又夠快, 所以我一畀你, 就算你即刻食, 不過雞腿捲由雞皮包實雞髀肉, 雞皮愈燒, 脂肪就愈走, 雞肉嘅肉汁就鎖住晒, 所以真係好熱架」

台灣 夜市 名物 雞翅 包飯 有一腿 深水埗

(老實講, 雖然辣親條脷好痛, 但雞腿捲入味過雞翅包飯多多聲, 難怪一日可以賣到300條啦!!)

台灣 夜市 名物 雞翅 包飯 有一腿 深水埗

原來阿Jack是台灣出世, 8歲就來港讀書, 畢業後本來從事貿易的他, 因為公司結業, 於是便回台灣修讀大廚, 原本計劃於台灣開甜品店, 但因為妹妹在台灣大愛雞腿捲, 所以半年前便傾談在港開特許經營店.

台灣 夜市 名物 雞翅 包飯 有一腿 深水埗

我問老台灣, 如果去台灣夜市有何推介?? Jack :「鹽水雞, 藥燉排骨, 士林”十全”好出名, 不過E家好多人, 好難迫入去, 我反而鍾意去繞河夜市, 萬華夜市, 米血糕超正…宜蘭羅東夜市, 鴨喜露滷味水鴨骨仲好食…」

台灣 夜市 名物 雞翅 包飯 有一腿 深水埗

我決定下次去台灣前一定要找Jack列一個夜市覓食清單…(其實不如你全部引入嚟香港賣啦…點Jack??)


大仁生活facebook
http://dayanlife.blogspot.hk/2015/04/blog-post_16.html
This entry was posted in 九龍, 其他, 其他 and tagged . Bookmark the permalink.