【無敵熱狗】60分鐘等食腸 @ Iconic H 紅磡必嘉街

今日我們花了60分鐘, 在紅磡必嘉街排隊買熱狗... 原因SY某晚電話中撒嬌說:「爸爸你星期日帶我去食熱狗啦!!, 奇怪阿囝從來只愛吃朱古力喎???
 
紅磡 必嘉街 ICONIC H 熱溶芝士熱狗
當晚凌晨回家, 我發現一隻霉霉縮縮的熱狗心想應該阿太買了兩隻, 一隻留給我食?? 不過, 味道怪怪的, 食完我還痾了一晚.

 
紅磡 必嘉街 ICONIC H 熱溶芝士熱狗
 
後來我才得知那隻霉縮的熱狗, SY學校早餐不捨得吃, 打算晚上回家慢慢嘆, 不過, 阿太怕變壞, 嚴禁囝吃, 所以SY致電給我, 要補償他去食新鮮熱狗.
 
紅磡 必嘉街 ICONIC H 熱溶芝士熱狗
 
我問阿太:「壞熱狗唔掉, 你擺係度做咩? 我食到成晚痾!!」阿太:「哦!! 我就係驚食痾個囝麻, 我點知你都會痾喎」(??咁都得)
 
紅磡 必嘉街 ICONIC H 熱溶芝士熱狗
排隊當日為星期日下午5, 女店員走出來大叫:「我哋無晒芝士醬!!」並不停寫上售罄的熱狗編號, 18款熱狗只賣剩10, 連薯條也缺貨. (!! 係米蘇師傅睇過風水呀? 旺成咁)
 
紅磡 必嘉街 ICONIC H 熱溶芝士熱狗
這間Iconic H上年年尾新開張, 有街坊經過問我:「點解我日日行過, 都未見過E條龍係短嘅呢? 係米真係咁好食呀? (我仲係度排緊隊, 食都未食過, 點知喎…)
 
紅磡 必嘉街 ICONIC H 熱溶芝士熱狗
其實, 我從未見過一間忙得如此利害的小食, 簡直連傾計的時間也沒有, 女店員收錢, 落單後, 廚房才開始煮, 所以, 付款後還要多等15鐘才可以回來取熱狗.
 
紅磡 必嘉街 ICONIC H 熱溶芝士熱狗
我未見過女店員有一刻停下來, 當我拿到熱狗後, 要求切開一半, 店員也表示太忙未能協助, 只能給予我兩隻膠叉. (雖然我到E一刻都未知, 點解要畀兩隻叉我??)
 
紅磡 必嘉街 ICONIC H 熱溶芝士熱狗
店內有小吧枱可供進食, 但店舖太細人太多, 所以我們走了前面小公園開餐食熱狗. 很遺憾$10大大杯芝士醬售罄, 今日無法芝士浸法蘭克福熱狗.(即係我要再嚟排多次隊??)
 
紅磡 必嘉街 ICONIC H 熱溶芝士熱狗
我們加了$6菠蘿, 強烈建議大家一定要加, 因為Iconic H連菠蘿也煎至微熱, 好有感情的菠蘿.
 
紅磡 必嘉街 ICONIC H 熱溶芝士熱狗
因為這裡的包烤得夠熱夠脆, 阿太話:「再脆啲就真係似蒜蓉包, 真係幾唔錯」, 對熱辣辣的包配熱辣辣的腸精彩程度勝絶李錦聯X安德尊無敵鴛鴦鏟, 好睇又好食啦!!
 
紅磡 必嘉街 ICONIC H 熱溶芝士熱狗

這位失儀的小朋友說:「真係超好味, 仲好食過雞蛋仔同朱古力呀!5分鐘KO了整隻熱狗, 平時食飯如同誓願, 如果每晚食飯速度如同食熱狗一樣, 你話多好呢?

 
 
大仁生活facebook
http://dayanlife.blogspot.hk/2015/02/60-iconic-h.html
This entry was posted in 其他, 特色餐廳 and tagged , , . Bookmark the permalink.

One Response to 【無敵熱狗】60分鐘等食腸 @ Iconic H 紅磡必嘉街

  1. 嘩, 咁多人排隊…

Comments are closed.