大家好我是巴嚕~ 用前幾日去台北既相呃下你地入黎先~ ....... ....... 今次竟然唔係打有關旅行,食嘢或者係影相既blog,而係關於我係八月左右做左既一項決定,就係帶上緊箍咒啦 咁當然唔係係個頭到喇,而係係牙到,姐係------我箍左牙 (下有血腥文字慎看!) 其實我由好細個既時候都已經想箍因為我自從換左牙之後啲牙都唔多齊,影相都唔想露齒笑,而且當我越大個我就越想自己啲牙可以齊啲,但又成剝成四隻牙(最驚呢樣嘢,我超怕痛),所以一直都想做唔想做...... 到左今年,我覺得自己得返幾年書可以讀,再唔箍我可能做緊嘢嗰陣都仲箍緊,所以又再經過一番掙扎,我終於決定左去箍.... 睇左醫生,照左x-ray結果同幾年前既結果一樣,我都係要剝四隻牙,咁我再同呀爸商量多一次(佢由我中學嗰陣已經反對我箍,我今次去照x-ray同睇牙醫都係得呀媽知,瞞左佢),佢最後都尊重我,比我自己決定。 當我準備好真係要去箍,就打左電話去預約時間。第一次去要剝左邊牙上下各兩隻,第二次隔一個星期去剝剩餘既兩隻。 去到診所真係驚到hxhx,佢叫我入房嗰時我真係唔想入.... 入到去醫生同我講多次今日要剝既牙,然後就叫我訓低...我見到佢拎住支巨型麻醉針真係當堂嚇一跳,佢幫我上下牙肉都打左好多下針(真心打針痛過剝牙),嗰下我心諗:「大檸樂啦,今鋪真係米已成炊啦啦啦!」 醫生勁快手幫我剝左兩隻牙,因為太seven既原因,所以我問護士拎左個口罩,點知個口不受控制,瘋狂流口水,我返到屋企先發現,原來我個口罩好多血...唔怪知啲路人係咁望住我,會唔會以為我係咳到嘔血嗰啲... 然後嗰晚我止血止左好耐,換左好多次紗布都止唔到上面隻牙啲血。大約凌晨1 點到終於止到啦,但係呢個moment我開始feel到佢痛啦,因為麻醉藥過左...痛下...痛下...我訓左著..... 開始去刷牙既時候先係難題,因為個窿有血塊我唔敢大力刷,我好驚又爆發呀...結果第二次去接受酷刑既時候,應該話係第二次去剝牙既時候佢話我發左炎,然後用啲嘢吸(?)走左個血塊,再幫我洗傷口,痛到byebye..... 然後請碌返上去我第一次剝牙既經過haha 因為情況一樣,,唔同既係我今次係左右兩邊都要咬住紗布止血 再一星期後,,,我去左上粒粒,,,,本身以為上粒粒冇咩大不了丫,都唔痛既....,點知,,,原來痛苦既箍牙過程要開始啦.... 明日再續.... (我真係純粹想吐槽,因為我呢個moment係到痛緊,,琴日覆左診,又換左線,又拉緊左,又係到刮刮刮....我食緊粥....好想食m記,好想食雞翼,好想飲珍奶) 各國自由行遊記準備中^^ 2017.01.11 23:48