哈!標題已經講得好清楚啦~ 我好快就成為人地既媽媽啦 :p 宜家話咁快就6個幾月,時間真係過得好快~ 今個post開始係要記錄返自己呢幾個月既事~ 大家有興趣就睇啦~ 由結婚前好想快啲生BB到結婚後又唔係好想生既我地黎講,肚入面既BB係一個意外、一個緣份 :) 話說我period準到爆炸! 剛好本來要黎period既時間我咁啱同左3個FD去左釜山幾日睇紅葉~ 所以我都無乜留意,因為都有平時period前既徵兆,所以仲感恩嗰幾日竟然未黎~ 去得韓國~醬油蟹、生八爪魚、人蔘雞湯、雪糕、雪條全部我都放晒落口 :p 因為諗住食下生冷野頂多咪M痛~ 但點知...遲足5日都未黎~ 我就緊係係電話到嚇老公話"唉呀,仲未黎咼,有人要做爸爸lu~" 而老公既反應係無乜反應咁叫我返到香港就要驗下 :p 一返到香港,第一件事就係買驗孕棒,但由於上網見啲人話早上驗最準,所以就等到第2朝lu~ 點知!一驗就驗到中左!!! 不過我地唔多信,因為就只係一次係日本旅行時既不小心,無理由咁勁既... 唔信地我地去買另一個牌子既驗孕棒第二日又再驗,真係又中@0@... 我地就只好去搵醫生再check下,因為要有醫生紙先可以去book政府或私家醫院~ 好彩我有一個好友做助產仕,所以所有野佢都教晒我 :p 而同老公、助產仕朋友傾左好耐,最後都無揀到最近既公立醫院,而係揀左山長水遠既瑪麗醫院去迎接我地既小生命~ 拿,如果揀跨區醫院生小朋友,一定要夠快! 一驗到就要打電話去book位,當然人地會問點解要誇區生...不過因為跨區,所以無位既話就只會叫你返去最近既有產科既醫院~ 當然,私家醫院就你鐘意去邊都得啦~ 不過就要睇返budget啦~ 如果好似我咁筆直有限,就要諗下將嗰幾萬蚊用黎俾私家醫院定陪月姐姐囉~ 下次再講下點解我地會揀公立醫院生啦~ Facebook : 80後的人妻「旅」友 邀稿 : wingring417@gmail.com / wingring@ymail.com