週末,同左那些年個班同學仔一齊浩浩蕩蕩去左大嶼山貝澳二日一夜低能團之旅... 話說大家本來好開心迎接我地哩個低能CAMP,但一入到屋大家心情即時一沉,間房好細~細得黎仲有點三尖八角...因為間屋一入去就有張藤梳化,有一張玻璃圓枱,一部18吋既電影機...之後近門口有一間梯形既房(雙人床),入面就有一間黑麻麻(有窗)既房(雙人上下格房),最後就係廁所... 當大家一行9男女全部入屋,個廳刻就即時迫爆左個廳...(真行都無位行~) 所以大家一入到黎就將D野放洒D野入梯形房... 當大家再離開間房出去玩既時候,JJ就問朋友A小姐,間房FEEL唔FEEL到有冇野!?大家即時係到話:"總使有野都唔好講出黎~大家今晚仲係仲係過夜,如果真係有都係將JJ鎖住係個間房就算..." 之後A小姐話間屋基本上都OK,不過佢無必要一定唔會入去最尾個間房囉~ 之後大家全晚基本上既活動範圍就變只係係廳就算~ 而且玩玩下A小姐好眼訓,但佢話如果無男友T先生陪,佢打死都唔會入房(梯形房)訓...但T先生又唔係好想訓,佢只係坐住係門口一邊陪佢訓,一邊睇住大家睇~但隔左一陣A小姐又出返黎喎~咁個時以為大家太熱鬧佢唔想訓LA! 玩到5點幾,真係頂唔順LA!就入左去近廳個間房訓...個時A小姐叫我唔好用張被,所以就用蓋住件羽絨訓就算~ 初時係背住牆訓既~(而且牆與床中間有1~2吋既空隙),咁訓落都無乜野,不過就愈黎愈凍,所以就用頂帽遮埋自己個塊咁訓LA!但訓訓下,突然FEEL到有人行埋黎我身邊喎~因為佢係由左至右咁行埋黎~個刻以為只係有人入黎拎野~因為門口真係係我左手邊MA! 但突然FEEL到佢仲要中埋黎我個到,所以個刻真係成個人彈起呀...個刻係嚇到成個人即刻衝出房,個刻個個都問洗事,我就講返有人中落黎...個時個個都話無人入過房喎!我話我知,因為都無腳聲,而且唔會有人咁嚇我囉~之後係廳坐左一陣定返個人,決定入去再訓過,但個刻A小姐叫我唔好再背住個牆訓LA!咁之後TOUCHWOOD又無再任事發生過... 而且A小姐見我再無野,佢同T先生亦入左黎一訓LU~ 不過唔知點解佢地入左黎訓之後間房就愈黎愈凍...個刻感覺自己同訓街其實係無分別嫁~陰公... 訓到第二日食早餐~訓係尾房個3個男仔話噚晚間房無乜野,仲好好訓添,但唔知點解G先生塊面瘀左一撻喎~咁我地個刻就問R先生噚日對G先生做過咩黎~(因為佢地孖住訓~),佢地話乜事都無發生喎!不過當大家研究緊佢個瘀痕既時候,佢竟然發現係唔痛嫁~只係瘀菁左一撻咁咋... 離開左間屋,我只係知大家下次唔會再有一次再租哩間屋...寧願貴少少,租大少少,都唔想再有D咁恐怖既野發生...但因為哩一晚大家既情誼都算加深左既...