不知不覺已經係LAST DAYLA!真係好唔捨得呀!仲有好多地方未去過玩嫁...真係唔想走呀!!! 一早起身就先去CHECK OUT然後去HOTEL附近條愛河LU~原來真係好近5 MINS唔洗就到...(而且係唯一無呃人既地方,真係鄰近愛河~) 佢既感覺係同返到沙田行城門河 有乜分別!?只係乾淨少少同無咁臭之外...應該無乜分別...(而且HK都應該將城門河打造成愛河一樣...吸引更多遊客黎MA!) 沿住愛河 一直行..就會見到愛河碼頭 ...不過時間尚早...連個碼頭都未開...真係要等到下次黎先可以坐到船仔遊愛河LA! 愛河附近 (即HOTEL附近),原來有好多律師事務所 添呀~(可能個到近法院掛...),但就咁睇佢地一D都唔似LAW FRIM,似一間小型商鋪多D... 搭車去中央公園站 ...一出到站,就會見到石屎森林中既綠洲,周圍都整得好靚...雖然D花係假 ...不過加埋D流水...感覺好清新 &涼快... 中央公園個名果然無改錯,因為真係得公園一個 ...不過個公園係整得都幾靚..既. 城市光廊,日頭一D都覺得有咩特別之處...可能夜晚黎先會靚D... 大立百貨 日頭亦都係唔靚嫁...(早知噚晚經過就黎...),而且仲要未開門 (話開11:00AM) 係大立百貨 & 五福三路中間有個街市,門口仲要係魚檔黎...但唔知點解佢地要咁綁住D魚 呢!?唔通怕佢地會跳走左!? 見咪開咪先去五福三路 ...但結果亦係一樣...間間都係未開門... 兜返去大立百貨...間間百貨賣既野真係差唔多嫁!所以都無乜好睇... 連住大立仲有一個商場,但哩到賣既野全部都好高級,仲要好多品牌都唔識,(係我見識少姐...)唯一識都只得誠品書店... 再搭捷運去凱捷站 (凱旋站)...(朋友聽到就問咁有冇燻蹄站,我話人地個站真係叫凱旋捷運站...咁叫凱捷站都正常丫...) 係3號出口 就會有SHUTTLE BUS 去DREAM MALL...不過當日都等左幾耐先至有車...不過架車身都幾CUTE... 唔洗5 MINS就到DREAM MALL LA! 佢地個建築風格都幾似台北個個美麗華 ...不過比美麗華大好多... 先行左佢地精品...哩到D精品好靚,靚過出面個D百貨公司...價錢又唔貴喎~不過買下就算...買返去都唔知亂放... 佢地哩到個主題公仔 好CUTE...亦都有好多佢地既精品買 ...不過價錢都唔平...平個D就唔多實用...但點解HK D百貨公司唔學佢地咁用公仔做代言人呢!? 黎到台灣點都會少得食DONUT呀!難得係到見到MISTER DONUT ,點都要食返件既... 試左哩本日本嚴選既蜜糖抹茶波提 & 雙層巧克力波提 ...佢地好好味呀!綠茶係超好食...HONEY同綠茶係岩岩好味...只係覺得苦力好似流左少少...不過一DJANL 唔似KRISPY KREME咁甜... 食完先發覺儲夠5分就可以換啤牌一副 ...(好想換佢地返屋企呀!),之後問佢地雞場有冇BRANCHLA~但佢地最近都係得哩間~(唉~無得換LA~) 食飽飽就踏上夢想之路...上去頂樓搭 HELLO KITTY & FRENDS摩天輪 LU~ 可能唔識行既關係,兜左好耐好遠先行到上去..中途經過一間CINEMA,佢地有勁多影院,而且間間都好大間...(做台灣人真係幸福呀!) 個摩天輪 可能因為平日關係,無乜人排隊 ,所以一埋到去就上得...好好彩仲可以坐到KEROPPI 添呀~最衰入面隻隻公仔都係MELODY LA!如果可以攬埋KEROPPI仲開心! 好快就轉完一個圈 ...就要同佢分離~哩20 MINS好彩...不過都可以算係睇洒大部份高雄景... 點擊圖片放大 但佢地天氣真係差.好大煙霞,所以睇景唔係睇得好遠... 走個時終於可以試埋另一架SHUTTLE BUS LU~不過佢地座位 個公仔又好似架架書都一樣喎!