返到東港都開始天黑 LU~所以先去左手信店買東港三寶之一~櫻花蝦 ... 其實櫻花蝦並唔係太好味,有D腥腥地咁...而且只係買左苦力,其他野都無買~ 本想係到食埋刺身先至出返去...但周圍都唔見有食刺身既鋪頭...基本上連餐廳都唔見多間...只係得今朝見到個D小食鋪... 照舊去返今朝個個巴士站搭車出返高雄...但哩到D車已經再唔係由去返高雄,而係墾丁開出嫁... 一路上天黑黑都已經再睇唔到D咩LU~ 出返市區 就去巨蛋站LU~ 上到去見到高雄巨蛋 LA!由於無人開CONCERT,所以周圍都比較靜...最得巨蛋條柱 有開燈咋...周圍都係黑麻麻既... 漢神巨蛋就係巨蛋隔離 ...一場黎到 ...點都會入到此一遊... 本想去SUPERMARKET買D野食食少少就去瑞豐夜市...但點知勁多人喎~而且價錢亦唔係太平... 最後上左5/F " 蒴御" 食日本野算~...(而且係東港食唔到刺身咪返黎哩到食囉~),入到去間野係無乜人嫁... 不過間野既格式 &裝修似一間CAFE 多過日本餐廳... 點左一個什錦刺身飯 & 鹽燒鯖魚飯...而且哩期 做緊PROMO ,食滿NT $500就可以送一客吞拿刺身... (聽落真係幾抵食嫁...) 刺身飯 到...件件都係厚切...唔似HK個D刀工咁好,薄薄一片~而且D料樣樣都好新鮮...感覺得有D似去左日本咁...海膽睇落好似唔係好靚,但食落係勁鮮甜...三文魚似係近腩位...好肥美~ 條鯖魚 就差左少少...雖然係大條(大隻過我隻7字 呀!)同好鮮甜...但可惜係勁咸...(都唔知係唔係DOUBLE SALT~)...所以扣洒分呀!!! D吞拿魚 & 三文魚亦都係厚切同色澤紅潤...雖然無入口即溶既感覺,但亦唔係將格就貨丫...所以哩間野係值得某D日式餐廳學習一下LA! 個面鼓湯 亦都係麻麻,比HK個D更唔好飲呀!因為又係得個咸字... 食飽飽就去高雄人去最愛去既 ~ 瑞豐夜市 ... 未行到去周圍已經好多人係到擺檔LA! 哩個夜市以食為主 ...食已經佔左70%咁滯...不過哩到食既野 ,其實係花園/小北/六合既野差唔多~ 哩到只幾檔係買衫 ,(款都算特別~唔似出面個D)& ~(D袋就反而似MADE IN CHINA多D...) 哩到仲有南台夜市既包包 賣呀~價錢平過台南,佢款色就少好多.... 黎左咁多日終於有機會試到台灣既珍珠奶茶LA...而且珍珠奶茶叫係地叫,佢地係叫鮮奶奶茶嫁...哩檔 檔主仲好好人...買珍珠奶茶,佢唔止加珍珠落去...仲加埋其他珠珠 落去比我試~樣樣珠珠都好好味嫁,但最好食都係芋頭味珠珠(其實我麻麻地芋頭,但哩個真係超好味嫁~)! 夜市又點少得D遊戲檔喎!哩D到 GAME仲同其他個D唔同添呀! 彈鋼珠 (細個好鐘意玩嫁~) & 拋擂球 (仲以為只有日本先有得玩添)... 其他野食就無買黎試LA!因為實在太飽...只可以望下就算... 走前 決定買多次奶茶返去飲...所以見附近有檔叫大砲茶 ,咪去試下~佢地真係好抵飲...只係NT $30就有1000CC LA!(果然同杯大砲 係無分別...)而且試埋佢地推薦既豆漿奶茶...但味道一般...只得豆漿味,一D茶味都無...所以飲左幾啖就掉左LA! (其實幾大杯唔好飲都無用LA!) 返到市議會站...又用左第二條大路返HOTEL...今次哩條大路雖然唔可以同六合路相比,但都有好多食店聚集一齊...都算係熱鬧...(但可惜最尾個晚先搵到條咁正既路返酒店呢... 返到去就將哩幾日所買既手信 全部拎出黎幫佢地影張全家福...佢地以後就各行各路LU~...而且哩晚離開台灣既最後一夜LA~~真係好唔捨得好唔想走呀!