哩排我哥係渡假回港,本想約埋一齊食LUNCH,但佢要陪佢父母去玩,所以放下星期有約再食... 不過唔知點解就令我諗返起細個發生過既一件事... 記得個時係小學既暑假...有一日早上收到一個電話...係一個男仔(即係後生17-18歲個D聲線),打黎問我知唔知佢係邊個... 我: "你係邊個呀!? " 佢: "你真係估唔到!?你聽真係D... " 我再聽真少少就話 : "係唔係哥呀!? " 佢 : "係呀...(之後佢就慢慢入正題LA!)我訓唔著呀...而且好寂寞,陪我傾下計丫..."(一聽到佢講埋D咁既野,真係收線都收唔切LA!) 之後佢再隔幾日就打一次黎又係講返D咁既說話...最後當然忍唔同話比媽子聽LA~咁佢亦對住個電話罵左幾句,個個男仔以後亦再無打黎... 不過個排見親我哥都好驚佢...好彩之後佢過多一排,佢就去左花旗國讀書兼定居...而且時間真係沖淡一切,近哩幾年見返佢都無以前咁驚,但都會保持一段距離...