心血來潮,好想去"沙角村" ,所以星期日就到此一遊...但發覺桃花依舊人面全非~ 以前肥女麻住個座野已經再唔係深啡色,變得好COLOURFUL, 但感覺唔靚囉~而且仲要係牆身大大隻寫住沙角村喎~(其實有幾多人會見到丫~) 一入村口就有個公園仔 (雖然以前哩到都係個公園,但變得好緊要LU~),以前用石屎整個D滑梯,爬牆個D已經無左LA!宜家竟然變左用膠砌出黎既滑梯咋...(以前個D比起哩D好玩好多嫁...) 以前個迷宮亦都變左一片空地... (以前滑完滑梯一定要經過迷宮先出到黎嫁...個迷宮仲要係用石屎做,唔係用D樹仔整成就算喎~) 肥女麻就住哩座嫁LA!以前可以自出自入,但宜家加左個閘係到LU~ 唔可以上去睇下個單位宜家點添...而且前排睇肥肥個D富貴系列,都多都係哩座門口拍添呀~再諗返起細個以前係哩到暫住既日子呀! 唯一一個由細陪大既公園仔呀...可惜比鐵欄圍住,唔知佢拆定翻新呢!? 每吋既木紋都到宜家仍然係咁,摸到鞋鞋地,但又唔會刮手喎~以前仲幻想哩到係一間屋仔,係係玩煮飯仔, 捉迷藏... 望住個公園發現間酒樓又改左名LA~以前叫家樂大酒樓,宜家叫樂福喎~不過唔知係唔係又個個D老闆呢!? 以前D婆婆以鐘意坐係哩D櫈上面圍住傾計嫁...但宜家亦都變左垃圾房門口LU~ 一個用泥地整既公園,宜家變左做膠地板LU~(不過都好既...以前泥地一濕左水,唔乾洒係去唔到玩嫁...宜家唔落雨就可以去玩LA!)而且以前哩到有3種FOR唔同年紀玩既千秋,但宜家變得返一種軟板既千秋,同加左個滑梯上去~ 上商場條天橋依然係咁 ...連D紙皮石牆依然用返個種色...(行左咁耐終於搵到少少熟悉既感覺LA!)但行上去商場個陣發宜家個頂加左個蓋呀! 以前怕落好天曬雨淋,宜家唔洗怕LU~但可惜個FEEL又唔同左呢~