世上最難食既拉麵店,今日終於試左LA!位於千色店附近個間 " 北京拉麵店" 晚飯時間入到去都係得2-3枱客...見個個都好清閒咁...初初以為只係位置偏僻左少少,所以唔多人幫襯姐...但點知食完真係知點解無乜人LA!而且SERVICE又麻麻地,除左落ORDER有人SERVE外,其他時間唔會有人嫁... 排骨擔擔麵 ~ 超難食...佢D排骨雖然好淋,但可惜完全無味得個鬆字囉...排骨又唔似排骨,豬扒又唔似豬扒咁喎~個麵仲衰,點夾都夾唔開,但佢又唔係未熟喎...但食落係無味囉...個湯又淡,只係得D花生味,咩味都無...又唔辣... 上海粗炒 ~ 同間鋪所講一樣似炒烏冬~個粗炒普通過出面食...而且又多油,又無乜味.,又無料,得D菜...唔抵同唔好食~ 瑤柱上湯小籠包 ~ 哩個真係需時去等呀!因即叫即包,但見阿姐已經好快手咁包好,放落去蒸... 但食落真係一般囉...D皮勁厚,有點硬,不過D汁都算甜既.但個涵無乜味,並又食唔出有任何瑤柱味喎~D肉又老左少少喎可能小籠包蒸得過熟呀! 但哩間野一定唔會再有下次囉~