北海道尋雪之旅 DAY 3D

返到落去極樂商業街就開始行鋪仔…

D鋪頭門前已經有一盞盞用冰整既路燈 LA!(雖然入面未點著,但個FEEL有D似係小樽雪燈咁~)

其實間間賣既野都係咁上下

…無乜大驚喜!!!

夕張蜜瓜 限定版苦力呀!(超好食嫁…其實想買嫁…但諗到要拎住咁多日,並且拎住點忍得唔食呢~不過只得登別有咋…其他地方再無見過LU!)

成條街商業街,得一間鋪頭有溫泉蛋買咋~而且佢地D蛋仲要係凍唔係熱嫁…不過難得見到有溫泉蛋,就緊係買一盒試LA!(不過味道麻麻地,D蛋無乜蛋味,亦唔係平時食個D溫泉蛋咁~所以覺得屋企整個D溏水蛋仲好食過佢~)

便利店 既鋪頭入面竟然有水果賣…不過得蘋果 & 多多啤梨 …(點解又無蜜瓜既…)

最後零食就算~(真係有好多限定阪嫁~)

 

…買左3個杯麵 (2個係冬季限定版黎嫁…呵呵~),一包豬屎味既限定版薯片

 

(勁重豬屎味~正!) &一盒必備既果味奶

去到HOTEL拎埋D行李就上房LU~

上到去發覺間房竟然變左和式
~(好似BOOK普通房咋喎…)~終於都可以試到訓塌塌米既滋味LA! YEAH!~
其實間房幾特別,間房入係凹左入去既…之後推門先係玄關位,門口2邊就係洗手間
& 沖涼房;再入到去就係大廳,;廳入面先有張小茶几仔
,最入面仲有有一個小餐枱,可以食下野 / 坐係到欣賞雪景…

每間房都有小食 : 紅豆餅(個餅整得好鬆軟,紅豆又香…) & 梅糖(聽講話好酸…)

HEA左一陣又係食飯到時間(不過個時出面落勁大雪)…

晚餐去左好出名既"福奄"試佢地D手打蕎麥麵…(門口有張櫈 & 一個白色紙燈籠 )

佢間鋪係天黑屋附近

間鋪仲以塌塌米以形式

可能D人多數留係HOTEL入面1泊2食,所以間野無乜人…(由入去到走只不過得4枱 (包括我哩枱)

點左佢地最出名既定食

天婦羅蕎麥麵 ~ 天婦羅炸得岩岩好,薄薄一層炸漿!隻蝦好新鮮 &大隻;其他野(南瓜, )亦都大塊,不過最特別都係炸蒟蒻 (係HK係未食過兼未見過~)反而個蕎麥麵就麻麻地LA!都食出有咩特別既…又話係手打喎!但唔覺得佢係特別爽口 &彈牙! (覺得同一田買到個D差唔多咁…)

大蝦親子丼 ~ 哩個簡直係係100分…雖然都係天婦羅蝦,但大隻過配蕎麥麵個隻…淋係隻蝦個隻醬汁簡直好味到爆呀!!(睇返D書話個醬汁有返咁上下年紀嫁LA!),個飯都係一般珍珠米,不過咁多日無食過熱飯,覺得哩個寧舍好味…

食飽飽就返去做D正經事 ~ 浸溫泉…

入到房,佢地D人已經幫手鋪好左張床

~(初初仲諗住食飽飽返黎學大雄鋪床訓添~)

浸溫泉前,已經睇定書, & HOTEL既指引,但都係帶留左野… 因為話要帶1條大巾去抹身,一條細巾FOR上水用…但係房搵極都搵唔到條細毛巾…(原來條細巾係指平時放係TOILET抹手/面個條)

入到更衣室個刻,真係識得咩叫怕羞…(要脫光然後將D衫放落個籃到喎…)好彩遇到一個日本少婦,佢話唔洗怕脫光行入去就OK…

哩到裡面有室內溫泉, 露天溫泉, 按摩池 &桑拿房…

首先浸左室內個個溫泉暖一暖個身先…但哩個溫泉水只係微暖(應該只係25 – 26度…),浸住個刻仲以為去左PRC浸個D所謂溫泉水呀!

然後就到出室外浸LU~(嘩…行出去個下真係好凍呀!)

出面既溫泉水真係好暖(熱),應該有38 – 42度,所以浸舒服得好舒服~邊浸,邊賞雪,真係人生一大享受!!! (但哩個唔可以浸得太盡,最盡10 MINS都已經頂唔順…)

最後去埋按摩池到做一個水力摩摩…D水力又岩岩好喎~玩完真係成個鬆洒… (玩一次,好過上深圳比人摸一次…)

唔黎過日本浸溫泉,都唔明點解全球男仕咁鐘情日本妹,原來佢地不論肥定瘦都依然係魔鬼濕材有前有後嫁~

係浸既中途仲發生左一段好感動既小事 : 浸完上水,有個婆婆見我無小巾,突然走左去拎巾條比我,仲教我綁係個頭到,(其實我唔明點解要綁住個頭,只係佢教我,而我又見個個日本人都係咁…)之後我勁同佢講唔該,佢就話哩D只係小事…(個婆婆睇落樣睇落好惡同粗聲粗氣,但我相信佢係一個好NICE既人!)

 

 

This entry was posted in 日本. Bookmark the permalink.

2 Responses to 北海道尋雪之旅 DAY 3D

  1. mintstar says:

    綠色個個係炸蒟蒻?

  2. Vicki Yu says:

    用冰整既路燈@@第一次見呢~ 另外, 我幾鍾意你間房~ 很有傳統日本味道, 又很舒適~~

Comments are closed.