位於中環嘅唐宮小聚走新派中菜路線,裝潢﹑餐具﹑食物造型通通都玩味十足,最愛相機先食嘅朋友,一定唔可以錯過,唐宮小聚絕對係一大 post Facebook 同 Instargram 最呃 Like 嘅餐廳,最重要係『好睇又好食』﹗ 原文:http://heatravel.blogspot.hk/2015/06/hk-central-SocialPlace.html 我的 Facebook 專頁:https://www.facebook.com/heatravelling 店內設計簡約休閒,開放式廚房嘅廚具整齊排列,整體空間感寬敞。 坐低千祈唔好俾檯面嘅碗嚇親,白瓷碗上嘅小蒼蠅同螞蟻係花紋黎嫁﹗非常鬼馬﹗ 去到唐宮小聚打開 menu,你會發現好多野都想叫嚟試下,因為賣相都非常吸引。 松露香菇 ($49/3件) 係唐宮小聚必食推介,更可以話係 FB 必 Post 推介﹗蘑菇造型包點像真度100%,新鮮熱辣,包夠鬆軟,菇味十足,混雜著松露的香氣,黑松露同菇味配合得宜。而且夠晒足料,咬落去啖啖都食到菇菌粒。 前菜方面建議點小聚併盤,$108 就可以自選三種前菜,非常抵食﹗ 今次去就試左川汁皮蛋﹑青芥木耳同埋酒呈醉雞﹗ 川汁皮蛋以金魚造型砌成,再加上辣椒粒做眼睛,賣相夠晒靚。琥珀色嘅蛋白層晶瑩剔透,溏心蛋黃部份的散發濃香,醬汁香辣開胃。 青芥木耳,木耳爽滑,配合 wasabi 嘅辣味,刺激鼻竇,絕對係醒胃小食﹗ 酒呈醉雞醉雞花雕味道強烈,醉雞色澤金黃,肉質嫩滑。 上湯龍鬚芥蘭 ($79),大廚 show off 刀功之作,將芥蘭開花成龍鬚形狀,以上湯煮再加上杞子,顏色翠綠,味道鮮甜。 桂花豚肉 ($99) 味道類似咕嚕肉,以桂花蜜調製醬汁,帶有蜜糖般口味加上桂花嘅清香!一粒粒嘅哈密瓜波波更係唔可以錯過﹗ 黑醋雞花 ($79) 先拆去雞翼其中一條骨,以意大利黑醋、蜜糖同埋陳醋醃製,再加上芝麻油炸,成品就好似雞脾一樣﹗味道甜酸醒胃﹗ 水煮魚片 ($99),唔太辣,但充滿麻香,魚肉嫩滑鮮甜,鍋底大豆芽和薯粉附著湯汁,惹味送飯。 茄湯泡飯 ($79) 微酸帶甜,泡飯軟硬適中,可以增進食慾。 花邊綠豆+糖不甩 ($39) 唐宮小聚 地址:中環皇后大道中 139 號 The L Place 2 樓