今時今日嘅香港,新式街市同大型超市入侵,唔好話喺街市打邊爐,連行懷舊街市嘅機會都非常少﹗ 位於旺角嘅鮮入圍煮開業應該已經有大半年,可以話係非常受歡迎嘅話題火鍋店,原因係因為鮮入圍煮嘅獨家創意懷舊街市主題火鍋﹗ 鮮入圍煮店內裝潢簡直就係將懷舊街市植入,圓檯摺櫈,角落放滿一盤盤枝裝可樂,更設有豬肉檔、魚檔、菜檔等。食客需要走到檔中前挑選火鍋料,而檔主亦會熱情推介同埋介紹是日靚菜同抵食海鮮,點好食物,店員更會即刻喺檔口切手切肥牛或者劏海鮮﹑田雞,非常有 feel﹗點擊圖片放大 +4 夠晒好玩又有 feel,食物質素同價錢又如何﹖海鮮即劏夠晒新鮮,大大隻新鮮鮑魚都只係廿蚊隻﹑手切肥牛肉味香濃,一大盤都只係賣 $128,非常抵食,叫到一檯都係,又牛又海鮮又啤酒都係二百蚊有找,絕對超值﹗ 點擊圖片放大 +3 總括而言,鮮入圍煮位於旺角鬧市,非常方便。即劏海鮮新鮮程度亦唔需要多解釋,抵食之餘,服務亦都好好,岩晒一班朋友去打邊爐﹑吹水同飲啤酒﹗ 原文: http://heatravel.blogspot.hk/2014/10/hk-mongkok-hotpot.html 請支持,用心分享,Facebook:https://www.facebook.com/heatravelling