台北4日3夜之旅 其實呢4日影嘅相好少好少,因為掛住食 ... (太為食了) 但行程就比較輕鬆,一D都唔緊迫。 第1日: 西門町 + 淡水 搭0950機,喺飛機全程望住個天空,覺得真係好靚。 見到台北喇! 我地住西門町民宿,事前已經租咗車由機場去民宿,去到民宿大概1300左右。 我地放低行李之後首先喺西門町覓食,然後就去淡水。 淡水除咗食之外,D小精品都幾有特色,買嚟做手信碓實唔錯。 其中最鍾意就係啤酒樽,每個款都係得一個,老闆話仲可以加時針分針用嚟做鐘。 不過我就冇加喇,因為做手信,送鐘送鐘,好似唔係咁好。 我地食完野,就去咗附近嘅夜市行。 行完返咗西門町再行再食,西門町除咗手抓餅好好食之外,呢間雪糕店都係必食。 個店員仲好nice,喺facebook打卡仲會送多一球雪糕tim呀! 第2日: 瑞芳+ 饒河夜市 瑞芳D野食真係好好食!又多野行,仲有好多"無面人"嘅精品。 行內街比我想像中舒服,本來以為好焗好熱,但竟然冇出過汗。 去到瑞芳,"阿珠雪在燒"真係唔可以唔食!我地encore咗2次!真係好食到停唔到口! 一粒粒已磨碎嘅小花生,加上凍冰冰嘅雪糕,不得了! 花生卷唔會太過甜,而雪糕出奇地同平時我地食開嘅唔一樣,有D似土耳其雪糕。 去完瑞芳返咗民宿放低戰利品,抖咗一陣,就進軍饒河夜市。 嚟到饒河,一家係不停食,因為選擇多又好食。 點擊圖片放大 不得不提嘅就係呢間"生蠔哥海鮮燒烤",D生蠔我地3個女仔食咗35隻! 過份了嗎?哈哈!但實在太好食喇! 點擊圖片放大 +2 第3日: 乾杯午餐 + 台北車站 + 師大夜市 + 士林夜市 第3日可以瞓晏D,之後去乾杯食lunch! 佢嘅食物質素同價錢可以話唔成正比!因為真係好食同抵食! 3個人叫咗2個set luch,已經填飽個肚! 點擊圖片放大 +6 食飽去台北車站,但台北車站冇乜特別亦冇乜野行,食到飽一飽可以當去散散步。 夜晚去師大,師大夜市其實好短,所以我地一個鐘左右就行完。 師大有檔"生煎包"都唔錯。 由於時間尚早,所以就去埋士林。 士林D野食麻麻,都係行下鋪頭買下野多,喺士林可以行2-3個鐘。 呢日係最夜歸嘅一晚,返到民宿覺得對腳好似唔係自己咁! 3個女子終於頂唔住去咗附近做腳仔按摩,做完即刻鬆晒! 第4日: 上引水產 + 西門町 Last Day喇! 起身執好晒行李之後,要去食好西! 去到上引點可以忍口! 第一擊食蟹同牡丹蝦,由於我地得3丁友,所以蟹就選擇咗食松葉蟹。 點擊圖片放大 +2 第二擊就係生蠔同toro 要留意上引規定餐廳同super market係分開嘅,唔可以夾埋喺同一個地方食。 去完上引就返去西門町行同買手信。 西門町手信,點少得老天祿! 要留意嘅係另外有一間係第二代老天祿,我地就緊係唔會亂嚟啦。 要買一定係原始老鋪買。 我地嘅時間拿捏得相當好,買完手信就去機場。 搭2150班機,返到香港淨係覺得"歡樂嘅時光過得特別快"。 總結: 4日嘅天氣比預期中好,去之前話有2個颱風吹去台北,好彩最後都天朗氣清。 而呢次嘅行程感激友人安排所有,我就hea住咁遊。 唔知係台灣嘅野貴咗丫?定係我地洗得大咗呢? 3條友 ... 破產呀喂 ... 係破晒產 ... 一毫子都冇 ... 但我係買得最少果個 ... P.S. Must buy item : "海邊走走" - 花生愛餡蛋 "米大師" - 鮮爆蝦餅 "回味棧" - 脆肉捲 "廚神之道" - 太空壽司 (五穀堅果) "李儀餅店" - 蓮蓉蛋黃酥 / 鳳黃酥 "郭金山" - 腰果酥 / 杏仁酥 "羅記" - 海苔一口酥 / 素肉鬆一口酥 "老天祿" - 我覺得佢所有野都好好食 ... 哈哈哈 My Page : https://www.facebook.com/phoebeliu1012