平時係譚仔鍾意食5小辣既我 有日放工係荃灣唔知食咩好~ 於是又Search下又平又抵食既新店試下 發現再一間叫做"雲家小鍋米線"既小店 點解會食?因為除左米線,重可以食到超多小食 又係同同一班老死食 又要食得平,又要好食,又要坐得耐! 真係搞盡腦汁~ 因為個女仔fd懶細食 所以同佢一齊share一碗「小鍋米線」 叫左豬大腸,腩肉,雜菇做配料 點知一上枱... 大碗到呢(最重要係$48蚊)!! 好彩share尼食XP 個人覺得湯底係決定碗米線好唔好食既重點之一, 飲左一飲 的確係好辣~ 不過係會想一口接一口禁食落去 腩肉都係好軟lum lum, 食落去唔會太痴牙 我同友人都非常喜歡呢! 其實都偷偷聽到佢地既熟客都係因為個種念念不忘既「辣」返轉頭幫襯佢地 食左無耐,小食都到埋! 超鍾意既炸春卷 裡面有好粉既芋頭 然後連爆瘡都唔理 KO左半碟... 另外一樣我好鍾意既就係蒜泥白肉啦!! 打邊爐食蔥蒜多過豉油既我 覺得酸酸辣辣好鬼醒胃~ 薄薄既一片, 肥膏又唔會太過多xp 你可能覺得上面兩種唔夠喉? 學我fd貪新鮮叫下串燒食啦~ 又雞肉、羊肉比你試到夠 (一枝$12) 炸雞翼我鍾意食~ 呢間既雞翼皮偏脆! 配埋泰式辣醬別有一番風味! 米線既魅力真係非一言兩語講得清.... 食三哥,譚仔食到悶悶地 不妨試下呢間啦~ . 雲家小鍋米線 荃灣沙咀道328號寶石大廈地下G01舖 聯絡電話:2439 5767 營業時間︰星期一至日: 11:00-23:00 facebook fanpage: https://www.facebook.com/pandaqqhk instagram ‘s id: aringsdairy 想聯絡我可以電郵到:aringlife@gmail.com