有邊個女仔唔鐘意食甜野呀~ 但係3幾百蚊既High Tea 個個月食一次都咪話唔傷~ 今次又係跟住老細去搵食, 搵到間有整一位一百都唔駛既靚靚Tea Set! 男士們,姐妹們真的不要錯過哦 (台灣國語mode 呢間餐廳個名叫CHIBA 吃吧, 聽個名已經好有性格 開門入去更加加分, (圖片來源:CHIBA FB) 有格調得尼又唔會好似某d cafe坐到好迫禁, 同朋友仔約會一定大加分 本來打算上尼食正餐, 可惜同行既老細遲大到, 最後只好食個Tea, 不過....因為禁先食到呢個「心心眼」Tea Set 登~登~登~登~ 主角:二人超夢幻Tea Set出場 點解禁興奮? 因為佢咩都有lo!! 首先,佢深明女仔鐘意食甜品又怕肥 準備左沙律比你打打底 呢個沙律一d都唔馬虎~ 佢叫做士多啤梨木煙燻吞拿魚沙律 一開瓶有陣白煙出尼, 之後聞到一陣好香既煙燻味散出來 香到立即食肉xp 分量多到呢~~ 而且另一重點係成間店既燈光都超好, 日光照入尼,點影都好睇~ 成個Set裡面我最鐘意係呢個炸蝦酥皮撻 睇圖都知係好巧功夫下, 用左三色椒同好特別既醬汁配搭, 食起尼一d都唔油~ 老細話佢最like呢一個雪糕面既甜品 杯裡面有d好似cake狀又好似撻狀既東西. 食落去軟綿綿, 女仔們應該會比較鐘意呢一個口感!! 重有呢兩個小包包 拿!真係一人一個唔洗爭嫁~ 前牌再前牌M記咪有黑白包既, 不過日夜癲倒既我無機會食, 今次終於可以試到類似既, 食完成個包仔~我還是覺肉比較好吃~ 食到最後我真係食到好飽, 所以只係試左一口芝士撻 拿~別打我~我覺得同銅鑼灣某店排長龍既芝士撻無分別 (利申:無為左食排過個間, 係去日本個時見人人都話要食買左個食) 飲品都好有特色, 唔太甜又大大杯 (um...我唔係幫後面補習社賣廣告) 結論:旺角好多有GAME玩既cafe都要百幾蚊啦~ 重要有d係唔太好食既~ 所以想食得開心,傾得開心,影得開心, 可以一試哦~ (自費) . CHIBA 吃吧 旺角彌敦道566-568號僑建大廈2樓2室 聯絡電話:6127 7112 營業時間︰星期一至日: 15:00-00:00 星期二: 休息 facebook fanpage: https://www.facebook.com/pandaqqhk instagram ‘s id: aringsdairy 想聯絡我可以電郵到:aringlife@gmail.com