今次會分上下集寫, 上集會介紹那霸巴士, 下集會介紹沖繩巴士, 你話邊間好呀? 我覺得係要睇你去既月份, 因為唔同公司都會有佢自己特色既行程, 主要去既地方係一樣, 但有少部分可以比你去調節下, 例如我唔想去菠蘿園, 禁咪簡d可以去睇歷史古蹟嫁lo! 個人覺得如果一個人去沖繩又唔想曬時間搭巴士,等巴士, 又或者一家大細但無人識揸車, 參加Day Tour 真係唔錯既選擇! 好啦癈人講癈話. 講返重點行程啦啦!! 第一次Day Tour : 那霸巴士 D路線 行程: 沖繩美麗之海水族館→今歸仁城跡→WARUMI大橋(不下車)→古宇利島大橋→那霸巴士總站 呢個plan既好處係400幾蚊港幣(5800yen)包曬你d入場卷, 同埋佢帶你去睇既景點, 自己去的話都幾山長水遠下 一早六半起身搭單軌去旭橋駅前, 出左站行樓梯落就會搵到巴士公司office, 注意:因為巴士總站裝修,如果你睇網上一d比較舊既blog會搵唔到佢office, 我係出發前十分鐘超驚, 跟住拎住日文地址問一個叔叔, 好彩佢指比我睇先趕上… 去office比左錢, 裡面既職員首先比左兩張入場卷我, 一張係呢個團既車飛, 另一張海洋博物館既入場卷, 上到車坐好了, 發現真係得我一個香港人… 其他係台灣,一係就本地日本人(笑), 導遊ee可能見我細路女, 放我係最前排(笑) 跟住就坐大概個幾鐘既車去海洋博物館, 途中司機都有停一停比人去買下早餐去下廁所 沿途風景都好靚, 比第一日係市區還要藍的天, 之後到左海洋博物館, 因為係旅行團, 循例要影張集體照, 之後導遊好好人, 同我地行到去入園個個位, 然後自由活動三個鐘~ 聽導遊講去睇左就開場既海豚表演先, 人和人和人…… 因為個台同座位有距離, 所以我選擇企最前睇, (企係度係皇道,因為坐係度都係比人遮住咩都睇唔到xp) 訓練員同海豚勁合拍 呢條海豚超可愛(融化了) 有個唔聽話跳太高!!! 可以禁近睇直係第一次 睇完之後, 我無立即去個個勁多人睇既主博物館, 走左去小沙灘, 睇日本中學生玩水, 之後周圍行左陣, 行左去D人都唔見有個既地方周圍行 見得返一個鐘先捨得去主菜場地 SORRY!我承認我係好ON居 其實我係裡面唔係影太多相, 一尼多人, 二尼用眼睇感受下好過了~ 出左館一樣都係好似迪迪尼禁即刻見到精品區 放心,無買佢… 最後買左枝海洋味香水, 百幾蚊當留個念又可以用, 之後係最後廿分鐘衝左去是但係出面食個拉麵, 沖繩麵廿幾蚊港幣飽就得啦~ 跟住坐大概十幾分鐘車去第二站—今歸仁城跡 一樣要入場卷, 但導遊EE幫我地搞好, 然後大隊跟佢行, 點擊圖片放大 今歸仁城跡其實係….賞櫻好地方, 可惜我十月去… 最後真係睇北山國王的居所, 我覺得風景好好, 係高處望山下既風景, 可以扮下大地在我腳下禁XP 導遊EE指左唯一個幾朵櫻花過我睇XP 都叫睇過下啦~~ 之後上車出發去最後一站--古宇利Ocean Tower 車程途中經過古宇利大橋, 見到古宇利海灘超靚, 好想呆坐下, 其實古宇利Ocean Tower, 係觀景加一個小型既貝殼博物館, 個人好鐘意睇貝殼, 覺得係每一個地方執一塊貝殼係一個旅行印記, 點擊圖片放大 睇完貝殼上十幾樓既觀景台, 可以睇到剛剛坐車經過古宇利大橋 我影相痳痳地,但個下望出去真係好似一幅畫, 覺得走堂都抵(壞學生) 然後又好似老人與海禁, 坐係頭先影橋個位呆望左五分鐘, 搭車回民宿!! 下集可以睇啦! 【沖繩】真路痴也不怕! Day Tour都可以好好玩 (下)