今日星期日,小編學整斑蘭千層糕,味道一流,賣相還有待改善,可能小編做掌櫃做得多,反而細數唔識計,下次再整過。 班蘭葉藥效降肝火、潤肺,清熱解毒,消暑 冰糖作用為養陰生津,潤肺止咳 所以呢款糕點清熱解毒,好適合夏天食用 食譜如下: 材料: 牛油蛋糕模一個 (不是易脫模,因為方便固定形狀) 木薯粉 300g 粘米粉 40g 椰漿 400ml (大罐) 水 300g 砂糖 50g 冰糖 200g 班蘭葉 適量 (約8片) 步驟: 煮糖水:將砂糖、冰糖、水煮至糖溶,分成兩份涼凍 粉漿:將木薯粉、粘米粉、椰漿混合,平均分成兩份 班蘭汁:將新鮮班蘭葉剪粗塊,加入一份糖水,用攪伴機打碎後榨汁,若色素不夠,可以加兩滴班蘭香精。 兩份椰汁粉漿; 1份混合糖水,另一份混合班蘭汁 計數時間:為了蒸出來效果靚和整齊,就要計數。例如,九層計,4層白色/5層綠色; 但因為綠色糖水去左榨汁,出來分量應該無當初甘多,所以要種新量過。我就係呢步計錯數,搞到亂曬陣腳。 一層蒸完倒另一層,每次3分鐘,最後果層倒完就蒸8-10分鐘就ok。 待涼後脫模, 切件 吾放雪櫃會軟D, 送入雪櫃似像膠,但夏天都係覺得放入雪櫃好食d。同埋,天氣甘熱,驚作變宿。 九型體質測試:https://ownmay.com/app/qnr/ Ownmay Website: https://www.ownmay.com Ownmay Blog: https://www.ownmay.com/blog Facebook: https://www.facebook.com/ownmay.hk/ Instagram: https://www.instagram.com/?hl=en