係東京新宿店時食嘅季節限定 話說工作地點附近開左潮食日本pancake店,哩間人氣食店,舊年去東京時有幸食過,當時係按預約時間去到東京新宿,所以唔使等位,直入落單。梳夫厘pancake的確好味,蛋味香濃,質地亦夠軟滑。不過,假如要花時間排隊的話,又實在意欲不大,所以縱然咁近城隍廟一路都無係香港食過。 呵,最近有開心大發現,店舖每朝10:30開門,假若你12:00點前過去,唔使排隊嘅機率好高,於是,依家好多時都會11點半左右落去,當食個Brunch,比自己開心一下都唔錯。 朝早11:30,見無人等位,無理由唔食姐 咁啱被安排坐係廚附近,仲可以邊等邊睇住製作過程 香港店的幸福班戟 加上楓蜜糖漿,怎不幸福 加多杯冰凍嘅香蕉奶,開心寫意 假若你得一個人就更加易話為,有朋友話,一個人去食甜品,不孤獨嗎?反正都係一人一份架啦,一個人難得自在咁一口一口慢慢將鬆軟放入口,不知幾幸福。聽日係Happy Friday,一於去月食返個Happy Brunch先得。