上一篇:荒失失奇兵(馬達加斯加 - 心理準備) 猴面包樹大道的黃昏 猴面包樹大道的黃昏 其實之前都好似大概講哂,都係個啲啦﹗ 現錢 - 出發前旅行社同我地收歐羅,所以概念上好似歐羅比較通行,但落地發現,大多手工藝品店問價都係以DOLLAR(美元)計,所以,歐羅定美金都無所謂啦﹗﹗ 行履 - 睇你去邊區啦﹗我地只玩左東西兩岸,沿途都會有人好樂意走出泥幫你搬行履箱,所以推篋係無問題的﹗﹗只係奉勸一句,去發展中國家,盡量唔好帶啲咁新咁靚既篋啦,免招惹不法之徒既目光﹗﹗ 蚊怕水 - 之前係出發準備(二)都提過馬達加斯會有蚊患,所以蚊怕水當然唔少得﹗﹗但懶人如我,其實去到第三日已經無搽到,不過同行既人就比較惹蚊,所以沿途都有係衣物上噴50% DEET的那一係枝。 帶左三枝唔同既蚊怕水 強力電筒 - 因為經常都會電力不穩,所以電筒係好需要既,最好仲係一枝比較強既﹗﹗ 糖果/餅乾/小禮物 - 沿途會經過好多小村落,會見到好多小朋友,假如有興趣同小朋友接觸,不妨帶點小禮物,但假如帶得唔夠,而人又太多的話,不如唔好派,要不反而會出現反效果,搞到小朋友爭來爭去就唔好啦﹗﹗ 其他物品都係一般去開旅行既野啦,但與其話必需品,反而話有咩唔好帶會比較好﹗﹗如之前提及,個度電力不足,所以拜託唔好帶風筒,唔好帶水煲等不必要既電器,反正帶左都用唔著﹗﹗ 應該聽日可以開始講行程﹗﹗