上一篇:荒失失奇兵(馬達加斯加) - 出發準備(四) 尋日講講下要準備幾多旅費,就突然要趕住去拜山,變左無頭無尾咁﹗好,依家重新計過: SAY HELLO TO MADAGASCAR 1) 機票:來回連稅HKD7,000 搭乘埃塞俄比亞航空(ETHIOPIAN AIRLINE),由香港飛馬達加斯加首都(ANTANANARIVO)既國際機場(IVATO INTERNATIONAL AIRPOR - TNR),中途係埃塞俄比亞(ADDIS ABABA - ADD)轉機,唔計轉機停留等候,去程15個鐘,回程18個鐘,係機上共食左三餐。客機機種係波音787,所以座位空間都夠寛敞。 馬達加斯加首都既國際機場 2) 團費 - 每人約EURO1,000 其實我地係比貴左既,我知其他團友係EURO900,皆因我地係好遲先JOIN。不停講團友,我地唔係跟旅行社,只係朋友間有搞手負責當聯絡,同馬達加斯加當地既旅行社接洽,由一到地就有英文流利既當地導遊連司機帶住玩足8日,包三星級酒店住宿(含早餐),所有景點入場費,仲有兩程內陸機由ANTANANARIVO TO MORONDAVA,朋友們好早已經落實,11個人分攤,所以比較平,但我地兩個好後期先加入,所以安排上貴左。有人打點哂,全稱安排都好好﹗﹗ 3) 洗費 - 每人EURO200 我地兩個人到地換左EURO550,但走時換返EURO150,中間有兌換差價,所以實際應該再少啲﹗﹗ 沿途一般餐廳都係大概AR10,000 - AR15,000 一個DISH 沿途一般餐廳都係大概AR10,000 - AR15,000 一個DISH 先有個概念先,HKD1 大概等於AR400,假如以EURO計,就EURO 1 = AR4,000(我地係機場換,好似大概AR3800咁上下,到走換返,就AR4150先換返1歐,大概啦﹗齊頭好計數)。 咁係餐廳食飯,一般一個DISH都係AR10,000 - AR15,000咁上下,樽裝可樂AR4,000一枝,1.5L既水就AR6,000一枝(如果係超市就只需AR1,800﹗),不過全程旅行社包埋飲用既樽裝水。 每人EURO200洗費係包括連日來既午餐、晚餐,仲有導遊/司機/搬行履既小費,仲有買左啲手信咁﹗ 馬達加斯加既貨幣 出發前係網上睇,有位旅客上年(2017)十月去完,佢教行李AR500-1000,司機每日AR1000,景點導遊就AR1000-3000,當地導遊則AR1000一小時,但小費哩樣野真係無咩準則,再加上我地係機場換到既,全部面額都係AR10,000或AR20,000(我換左EURO550,得到全數都係AR20,000,仲要係順NUMBER既) 由你一出機場,就會有人蜂擁而至幫你拎行履,問過導遊,佢就教我地比AR1000-2000,因為無散紙,有時諗住不如一齊比,但後來發現最好唔好,因為會有分贓唔均既情況,PORTER之間有時會有無良心既人,收哂就收哂,唔會再分﹗﹗而導遊就話司機小費大概都係AR10,000一日(同網絡上睇既好明顯有出入,但對我地泥講都只係講緊HKD25,可接受啦﹗) 搬行履/司機小費可問導遊,咁導遊小費無理由問返導遊架,因為兩個導遊都好貼心好滿意,我地係比得多既,但老實,你成團人每日比AR50,000已經好好(記住成團喎,因為我地有十幾人,假如你只得兩三個人,其實每日AR20,000-30,000已經好足夠﹗) 木雕既猴面包樹 有好多木刻既手工藝品 各式各樣既手信 買手信就更加無準則,除左手工藝品,其實可以叫導遊帶你去超市或當地既商舖,買啲馬達加斯加既朱古力,雲妮拿製成品(香草唔可以出境,買製成品無問題)或當地既小食都唔錯架﹗﹗而市集既手工藝品,團友們好多時一開價都會剎一半,咁又大多成功既﹗沿途所見,類近貨品,街上流動小販賣既,一般會比攤檔既貴,導遊總會安排時間比你去市集買野,所以都唔使太心急買,再者,係街上買野記緊要小心,萬一係治安唔好既區份,你拎錢出泥買野時易招損失呀﹗﹗