哩兩日好多突發事故,無法靜下來整理思緒,太耐無一心多用,實在消化唔切。 今朝出到港島區發現落大雨,但平日有如叮噹法寶袋般既背包,有帶抹雨遮既毛巾,但就無左把遮。靠,出門前放低左。。。 平日本身就唔鍾意打傘,如非太大雨,要不都會選擇瀟灑走我路。但今日落車時雨勢實在太大,深知點都要買把遮頂檔。問心,因為落雨而要買遮真係第一次,明明日日都有把遮係袋,點解今日會無,真係莫明奇妙。 不過都錯有錯著既,好耐無買野,平衡一下人情都好。正苦惱緊去邊度求其買一把既時候,突然閃過最近睇到有介紹7仔好似有阿愁既透明雨傘賣,又咁啱經過7仔,當係避雨又好,搵遮又好,都入左去先算。 個介紹係無意中睇到,係唔係7仔都驚記錯,又好彩,入到去根本唔使搵,已經見到掛左幾把透明遮係收銀附近。唔知咩解,透明遮係有一股莫明既吸引力既,加上係隔愁,遮身設計仲係比較圓拱那一個,感覺好似即便落大雨都無咁易濕身,於是二話不說就拎個八達通出泥,哈,原來。。。我好多年無買過遮。。。 簡簡單單既一把新遮,已經令我開心左大半日,哈,落多幾次雨吖,唔該。