上一篇:迷失。荷。比。盧(五) 羊角村既蘆葦屋 入到村,踩單車玩左一圈,食左個牛肉麵,然後就去超市買野準備晚餐,唉,不過有少少後悔,出發前,網上既人話羊角村消費好貴,所以一心諗住自己煮,到埗後無查察過實際情況就走左去買野,後來發現,其實都係合理價錢﹗﹗而且有幾間好好氣氛架,發現時已經買哂野,想改變主意都唔得﹗﹗ 村入面既路好窄,而且村民既車速好快,假如單車技巧唔太好的話,都係漫步觀光好了﹗ 大街的超市 商品種類都好齊全 可愛既EMOJI匙扣,係羊角村超市見過之後,其他超市再搵唔到 可愛小食,係羊角村超市見過後,就再搵唔返 係超市買左簡單既食材就踩單車返民宿,係羊角村既超市,有見過一款可愛既EMOJI匙扣,同埋有趣小食,仲諗住其他超市都會有,當時無買到,點知之後既行程就再搵唔返啦﹗返到民宿,見有少少陽光,於是就向民宿主人租左架電船出去湖度玩﹗﹗其實陽光只係假象,全程都係天陰同好大風,偶爾仲會有尐雨粉,出到湖其實都有尐驚驚地,浪花不停打落船身,但屋主話水深只有一米(唔知有無理解錯,還是只係指村內既運河一帶﹖)再者,歐洲人既安全意識都好足夠(應該),一般佢地外出都會著哂反光衣,假如湖水深的話,無理由任由電船(無需牌照,無需經驗)行駛,又無理由唔使救生衣架,安全既安全既,全程係咁同自己講﹗﹗哈哈﹗﹗ 遊河路線圖 遊河路線圖好似單車徑咁,都係固定既,單向行駛,而且沿途有清楚既指示牌,唔使驚蕩失路, 民宿主人有兩架電船可出租 我地大概4點左右出船,按照民宿主人本來既收費,下午2點起租用至6點就€45,但我地4點先出,好似玩到7點先返架,佢都係維持原有收費(其實只係將租用時間順延姐,沒差),遊河有4條路線,所需時間1至4小時不等,其實我都唔記得左我地個日係行紅色定黃色,不過好大機會係黃色﹗﹗羊角村其實係係一個叫Wieden Weerribben國家公園既範圍之內,而BOVENWIJDE湖,就係吸引我地到訪羊角村既其中一個原因,雖然個日天色有點陰沈,風有點猛,未有見到湖泊最美既一面,但正因為風猛,全程只得我地一架船,過左個相當寧靜既下午,都唔錯吖﹗﹗ 由電船既角度觀賞羊角村既點滴 由電船既角度觀賞羊角村既點滴 出到大湖,原來都真係好大下架,一時三刻都分唔到方向 只要留意湖邉既指示標杆就會認到路 屋主提及會有個塔,就係回程既路 見到小風車就知返緊入村 由電船既角度觀賞羊角村既點滴,期間偶爾有雨粉 遊完湖,返住宿煮左個湯飲,諗住出去行個轉,影個夜景先煮野食,但都係雨毛毛咁,行到半路,又聽見有餐廳傳來歌聲,原來有部份餐廳會有現場演奏架,真係可惜,我地已經準備左晚餐既材料,想坐低湊下熱鬧都唔得﹗﹗入夜,就開始刮風了,係真的刮風,當晚好似有十級風﹗﹗ 村內其實都好多餐廳,收費唔算貴 村內其實都好多餐廳,收費唔算貴 村內其實都好多餐廳,收費唔算貴 村內其實都好多餐廳,收費唔算貴,仲好有氣氛添 本來想入夜影下倒影,但雨越落越大 本來想入夜影下倒影,但雨越落越大 由住處既窗離出去,可以睇到樹被吹得東歪西倒 住係村,當然期待過一早起身影日出時份既羊角村啦﹗但起身都唔使開窗,單憑河上既水波已經知道外邊有幾大風﹗ 清晨六點既窗外景色,風依然猛 屋主為我地準備既豐富早餐 臨走前想再次四處走走,可惜總是陰晴不定,河上的倒影總見雨點 臨走前想再次四處走走,可惜總是陰晴不定,河上的倒影總見雨點 臨走前想再次四處走走,可惜總是陰晴不定,河上的倒影總見雨點 回程,我地都依然係去左ZWOLLE,一來,我地張OV CARD要增值,二來,因為我地準備去烏德勒支,所以點都要經ZWOLLE。。 離開羊角村,9292教係中途轉巴士到ZWOLLE,咁樣會快尐 烏德勒支城堡