鬧市中的盤桃樹 感覺有趣﹗話說星期二晚約左朋友食飯,當晚落住大雨,大家離開時無意中發現係利園一期門外,有尐紅色既果實跌左落地,定神細看,好似係紅色既蓮霧(有人叫盤桃),點解會滿地都係細細個既蓮霧既哩﹖﹖抬頭一看,原來係蓮霧樹呀﹗﹗ 同朋友都感覺神奇,自己經常都會路過哩度,但從來都無為意原來哩度有幾棵蓮霧樹,雖然落住大雨,依然都忍唔住想影個相記錄一下﹗﹗只得手機,加上天又黑,又落住雨,當然唔係影得好清楚啦﹗ 雨夜中既盤桃樹 鬧市中的盤桃樹 鬧市中的盤桃樹 鬧市中的盤桃樹 明明係附近工作,明明經常都路過,但每日營營役役,低頭趕忙,從來都無發現,原來身邊有著這麼美的景色,原來,只要稍稍對身邊的事駐足注目,總會有意想不到的發現﹗﹗