上一篇:迷失。荷。心。盧(三) 行程既第二日,行完小孩堤防,食左個好滿足既晚餐,就返AMS車站附近既酒店休息﹗﹗雖然頭兩晚AMS既住宿好細(阿姆斯特丹住宿),但訓得舒服就得啦﹗﹗而且我就係鍾意佢夠簡約,房間除左兩張床之外,所有一次性產品都唔提供,換個角度睇,可以話佢係環保﹗﹗訓醒落去食早餐先驚喜,除左佢個早餐用餐時間長之外,原來,食完野佢地要客人自行收拾餐盆,因為要自己收拾,一般人都會乖乖咁珍惜食物,構思好好呀﹗真係值得一讚﹗﹗ 超長既早餐時間 客人食完要幫忙收拾餐盆 酒店餐廳可以望到火車月台 酒店既餐廳係連接住阿姆斯特丹中央車站個月台,幾想即刻開窗行過去﹗﹗答案就梗係唔得啦﹗食完早餐就急急腳行過去車站,準備去完成是次旅行既其中一個重要任務 - 漫步鬱金香花田。(庫肯霍夫公園) 同其他地方既花田一樣,庫肯霍夫公園都只係季節限定,過左花期就唔會開,所以全世界想賞鬱金香既遊客都會係同一時段湧哂去KEUKENHOF,於是,一定會迫人﹗﹗十點鐘去到接駁車站,排隊排到十一點,然後仲要企多半個鐘巴士(無位坐)先到達會場,根本未開始行就已經腳軟了﹗﹗會場入面既花好靚,只係遊客同花一樣多,無論你係任何角度,都會影到其他人﹗所以,假如想影花,最好既其實係係會場既外邊,姐係非收費區,踩單車慢慢影比較開心﹗ 入場的人真的很多 公園入口處的小水池 場館內四處都是人 單車徑的選擇 假如要看花海,就非得騎單車了 假如要看花海,就非得騎單車了 不過都係長氣啦,外國既單車比較大架,比較高,對我尐唔夠150又單車技術麻麻既,其實都係種挑戰,還好花田交通唔算頻繁,但始終係要踩馬路,假如同單車唔太熟,都係量力而為好啲﹗﹗ 我地12點先開始行,一直玩到下午7點鐘,都依然覺得未夠,若果好鍾意賞花既朋友,記謹要預留一天時間漫遊庫肯霍夫公園。我地既行程真係無咩放飯時間,又係一早係酒店食完早餐,下晝係會場入面買左個BURGER食,店主話佢地已經一份份執好,燒完塊肉就直接放入去個包度,唔比用自己既食物袋,好彩,佢都係用紙姐﹗食完,就又一直玩到夜晚返AMS先再搵野食﹗﹗ 係會場入面見到漢堡包 返到AMS已經係八點既事,真係好倦﹗諗住去超市睇下有無現成既燒雞之類,買返酒店食少少野就算,點知,原來荷蘭既超市係唔興賣熟食架喎﹗有見之前係其他歐洲地方既超市,一般會賣熟食,一心諗住荷蘭都應該會有,點知行左幾間都唔覺眼,倦到無心機再行,於是就隨便係中央車站附近搵左間意大利餐廳行入去﹗﹗ 係火車站見到一間自助既快餐店,都幾得意 可以完全唔使經人手,方便趕火車既人 係中史車站附近行左一輪,隨意搵左間意大利餐廳 餐廳裡面完全無華人面孔 一般10歐就有個意粉 餐廳都開左廿年,應該唔會中伏啦掛 繼續都係可樂同LEMONADE 個面包~~~完全唔好食﹗ 反而係個STEAK就有驚喜,生熟度剛好,肉質鮮嫰,仲有個好可愛既伴碟 有時想慳錢,但又想醫肚,搵間意大利餐廳一舨都無死既,10歐以下就有個意粉,味道又一般都正常 有時想慳錢,但又想醫肚,搵間意大利餐廳一舨都無死既,10歐以下就有個意粉,味道又一般都正常 沙律都唔錯 當晚係十度以下,本來都想四圍影下夜景,但凍到變左雪條 最初我地都係諗住求其食啲野醫肚,意大利餐廳既意粉,正正常常啦﹗無諗到佢個STEAK都OK喎,有炭香味,而且火喉剛好,肉質唔錯,真係有驚喜﹗﹗食完專登記底左餐廳既資料,以便話比準備去荷蘭GRAD TRIP既外甥女知,餐廳10歐左右就有個意粉,又唔使加SERVICES CHARGE,咁兩個女生唔使慳住慳住食嘛﹗其實,我相信求其搵間意大利餐廳都應該唔死得人既﹗ 下晝係庫肯霍夫公園個陣,已經知道天氣會開始轉涼,下晝時份有日照既地方還好,一離開太陽既範圍就覺得涼,然後氣溫一直下降,返到AMS既時候已經低過十度,真係估佢唔到,仲諗住4月尾,應該開始回暖,點知原來一早一晚都仲係十度以下﹗怕凍既我只係帶左件輕羽絨旁身,梗係一路行一路打冷震啦﹗﹗本來仲諗住食完飯可以四圍影下夜景,但企左陣已經變雪條,都係快啲返酒店休息﹗﹗再者,第二日要搬去羊角村住一晚,姐係要收拾行履,都係唔好四圍行啦﹗﹗