上一篇:迷失。荷。比。盧(二) 行程既第一晚,係鹿特丹留宿(鹿特丹住宿)係因為想方便第二朝一早去小孩堤坊,係酒店食完早餐,寄存行履後就出發﹗ 係荷蘭繼續走塑 一早係鹿特丹中央車站就見到單車旅行團 向小孩堤防出發 可踩單車遊小孩堤防,但所柤用既單車都幾高,如果唔係好識踩單車的話,自己量力而為 小孩堤防有兩間風車屋可入內參觀 風車博物館會展示當年居民的日常生活 風車博物館會展示當年居民的日常生活 風車博物館會展示當年居民的日常生活 原來,水浸既時候都真係可以好嚴重下 其實,杯唔一定要泥裝野飲既,裝食既都得既姐﹗﹗係櫻花樹下自備午餐,覺得都對得住自然環境 預左一整天都會逗留係小孩堤防(風車村一/二),所以出發前輕便食物,希望盡量達至無痕旅行﹗係小孩堤防,踩下單車,行下風車博物館,唔覺唔覺都玩左五個幾鐘,都咪話唔倦﹗折返鹿特丹既旅館攞行履又要向阿姆斯特丹出發。上9292搵班次資料,發覺行車時間有差別,明明都係INTERCITY既火車,明明都係DIRECT TRAIN,但有尐就顯示42分鐘,但有尐就需時1小時12分鐘,兩種車原來收費係唔一樣架,快尐個架係要比貴少少架(詳見INTERCITY DIRECT) 由鹿特丹去阿姆斯特丹,大家都係INTERCITY,大家都係DIRECT TRAIN,但車程都會有分別 CLICK入去快車既睇詳細資料就會明 顯示屏寫明係INTERCITY DIRECT,唔好搞錯 INTERCITY DIRECT要另外再比多一個叫TOLELAD既費用 用OV CARD搭任何交通工具都記緊上落車都要拍咭 感覺係歐洲地方,對身體傷殘人士比較友善 因為搭左INTERCITY DIRECT,話咁快就到達阿姆斯特丹中央車站,而為左方便移動,我地揀左正正係車站隔離既酒店,一出車站唔使五分鐘就到﹗(阿姆斯特丹住宿) 阿姆斯特丹中央車站既正面 由火車站正門出口轉右就會見到酒店 行左一日,返到酒店好想即刻換衫就訓,但天又未黑,又成日無咩點食過野,決定出去四圍行下,順便醫肚﹗由中央車站行返去舊城區(姐係市中心)唔使十分鐘﹗﹗睇阿姆斯特丹既旅遊介紹,好多時都提到SEX MUSEMN,蠟像館哩兩個地方,其實。。。唔知實際有咩睇,但我估介紹既原因係佢地係中央車站往DAM SQUARE既必經之路上面,於是又順便介紹下﹗﹗我地無興趣去發掘箇中原委,反而對路上見到既其他野比較有興趣﹗﹗例如個條翠綠色佈置既拱廊﹗根據資料,哩條拱廊有幾百年歷史,好似叫Amsterdam Oersoep,成條拱廊都佈置到好以水底世界咁,大概係記錄阿姆斯特丹同運河既過去,聽聞佢係由三位設計師所建成,有趣既壁畫,金碧輝煌既吊燈,翠綠既掛飾,觀賞價值遠比之兩者來得吸引﹗經過皇宮,影左陣相,就繼續向前行。 由中央車站行左差唔多半個鐘頭去搵野食 好多人會坐觀光船遊覽 荷蘭既建築特色,狹長既前門 街上好容易就可以搵到共享單車,只係,大多都太高,小矮人踩唔到 報稱全荷蘭最好味既薯條 會議廳 有幾百年歷史既Oersoep拱廊 有幾百年歷史既Oersoep拱廊 有幾百年歷史既Oersoep拱廊 有幾百年歷史既Oersoep拱廊 有幾百年歷史既Oersoep拱廊 皇宮 Bridge of 15 Bridge 睇下有咩食先 係歐洲地方,啤酒係平過水既 唔知點解要係荷蘭飲法國洋葱湯,食法國蝸失 唔知點解要係荷蘭飲法國洋葱湯,食法國蝸失 醒唔起一份係兩條骨 塊扒都好得 其實行左一日都真係有尐倦,而且我地會係阿姆斯特丹逗留幾日,唔急於觀光,只係沿住大路邊行邊影,有樣有趣既係傳統荷蘭既房屋,正門都係窄窄一間,有趣可愛﹗﹗有路經個間報稱被選為荷蘭最好味既薯條店,只可惜太多人啦,都係有緣再遇啦﹗我地行左過去BRIDGE OF 15 BRIDGE個邊,搵左間法國餐廳食飯﹗間餐廳係大叔搵既,佢知我鍾意飲法國洋葱湯,好厚芝士既洋葱湯,仲有法國田螺﹗係香港好耐無食過,見有餐牌有,當然要試下,仲有兩個MAIN DISHES,食物唔算好驚喜,但肯定係中上既質素﹗﹗埋單都要成八百蚊架,但假如第一晚個兩晚牛肉湯河加個庶蝦都要五百的話,哩度算係合理囉﹗﹗食完又慢慢行返去中央車站,準備聽日出發去鬱金香公園﹗﹗