明明之前已經花左咁長篇幅(其實主要係我長氣)去講係荷蘭搭乘公共交通工具既經驗,點解又要開多篇講羊角村交通﹖ 羊角村既CLASSIC VIEW 由AMS到羊角村,最快都要2個鐘﹗如果夾唔啱時間分分鐘仲要3個鐘,所以交通安排真係好重要﹗ 9292 APP 提供去羊角村交通既選擇 行駛來回ZWOLLE同STEENWIJK既70號巴士,係去羊角村既唯一選擇(其實仲有一架270 EXPRESS)。 係ZWOLLE搭巴士,火車費用會平尐,但巴士就貴返,仲要坐一個鐘 咁到底應該係ZWOLLE定STEENWIJK轉巴士﹖﹖ 由AMS去羊角村,可以係ZWOLLE或STEENWIJK搭巴士 ZWOLLE離AMS比較近,火車車程較短,一般1-1.5小時,車資亦當然較平 - 18.6歐,班次亦較頻密,每個鐘都有5-6班車,之不過,由ZWOLLE去羊角村要搭1個鐘巴士,車資亦較貴,要7.51歐。由ZWOLLE往羊角村(向STEENWIJK方向)既巴士,每個鐘既17分發車,假如錯過左你就要再等多個鐘﹗ 咁STEENWIJK哩﹖﹖好明顯離AMS較遠,要搭1.5-2小時既火車,車資係22.2歐,每個鐘只得3班車過去,然而,先苦後甜,由STEENWIJK去羊角村只需搭15分鐘巴士,車資只為2.72,每小時既25分係STEENWIJK發車。 車程夾埋唔算差好遠,但經STEENWIJK轉車相對就平尐 - 24.92,而經ZWOLLE就要26.11。除左價錢比較平,其實STEENWIJK應該係比較好既,因為,除左每小時25分發車既70號巴士,仲有一架每小時21分或51分發車既270號巴士。270應該係特別車,我見每日10點21分開始有,最後一班就去到17.21。咁樣的話,假如去到STEENWIJK萬一真係送車尾都唔使再等一個鐘﹗﹗ 9292好多時都會教你係ALMERE CENTRUM轉車去ZWOLLE然後再轉去STEENWIJK,咁樣雖然要轉多幾次車,但就可以追時間。所以沿凃9292真係好幫到手﹗ 我地離開羊角村後係去左UTRECHT,都係靠9292教係中途巴士接巴士而縮短車程時間﹗