經典的打卡位原來已被拆除 踏入3月,是荷蘭的花季 阿姆斯特丹國立博物館廣場的經典地標 話說有朋友打算4月帶埋家人去荷蘭賞花,拜托幫忙安排行程。 編排行程其實也是樂事,既可以回味一下舊年嘅旅程,也正好趁機完成未完成的部份(一直未有完成比利時的部份),亦可從而溫故知新。 踏入3月已經係荷蘭嘅花季,一直到五月都可以賞花,真好﹗實在懷念陽光下的花海,也忘不了經典的風車。 旅程,總教人回味! 係搵資料嘅過程中,發覺原來阿姆斯特丹其中一個地標已經係舊年(2018)12月靜悄悄被消失了,講嘅係好多人都會去打卡嘅I Amsterdam 標誌。 係國立博物館(Rijksmuseum)廣場後面嘅哩堆英文字母,自2004年起一直深受遊客歡迎,感覺最能代表阿姆斯特丹。個度有個水池可影倒影,亦有一大片草地可曬曬太陽,行完博物館可以係度稍稍休息一下,確實係個吸引嘅地方。 不過,有當地居民覺得太多遊客聚集,對佢地做成滋擾,要求拆除。而政府亦聆聽市民訴求,最後係2018年12月3號將哩個咁有代表性嘅地標拆除。 一個咁型格又有意思嘅影相位不再,對於遊客當然覺得可惜,之但係,假如逆地而處,企返係當地居民嘅角度,又會覺得好安慰,起碼政府唔係剩係掛住遊客,而係真心關顧市民嘅訴求同心願,哩一點,就更加令作為過客嘅人又羨慕又妒忌啦!