趁周末約左好友食飯,順便派個遲來的利是。真係有心唔怕遲,雖然自家年輕時好怕逗利是,感覺無功不受祿,怕人家誤會你講恭喜說話,只為左封利是,但到自己要派,又總之我當你係朋友,只要未過正月,都繼續會派。 幾個人食咩好?凍凍地不如去打個邊爐,朋友話係西環食過一間以數字為名嘅火鍋店好抵食,上網搵,發覺原來係連鎖店,咁啱元朗都有,又不如一齊試下。 元朗嘅數字火鍋店 哩間嘅特色係食牛,有熟國內行情嘅朋友話,國內都有類似嘅,食店主題食牛,有唔同部份,但每碟份量唔多,價錢相對地算相宜,鍾意食牛,或鍾意試新野嘅人應該都會有興趣一試,咁就可以盡情試下唔同部份嘅牛肉係咩口感啦! 食店以食牛為主題,可試唔同部份嘅口感 店員好殷勤會走過嚟逐個部份介紹,話你知每個部份係咩口感,當然梗係聽完食完唔記得,4個人又啤酒又汽水咁,每人都唔使3百(當然睇你叫咩啦!) 掛住傾計,唔記得影相,加上點餐係用餐廳提供嘅Tablet,就更加唔記得每樣嘅收費。我地就點左一個花雕醉蜆鍋做湯底,98蚊一鍋,蜆肉又甜又爽滑,平靚正呀。食完蜆鍋就用返個湯打邊爐,個湯甜到哩。。。 應該都係類似國內嘅手法,你點餐後,店員拎埋個漏斗行埋嚟,心諗,唔通灼牛肉都要計時?原來個漏斗係,計住由你點餐到上菜需時幾耐,假如超過20分鐘就佢輪,請你食野,姐係信心嘅表現啦! 訂座的話可經開飯平台網上預訂,雖然舖面唔算大,但唔難訂位喎,不過就限定90分鐘用餐時間,好彩佢地上菜上得快,都夠時間。 花雕醉蜆鍋,又甜又新鮮 點擊圖片放大 +4 諗住影下周圍環境,有個個輕少女高舉V手求合照 整體感覺評價都好,各款牛肉都好鮮味,其他食物亦新鮮味美,唯一唔係咁好就係開住好嘈音樂,感覺好似係唔想你坐得咁舒服,迫你食完快啲走咁,可以再試。