明明4月23有正常班次架 唉,真係未出發已迷失﹗﹗都係怪自己懶唔早尐開始睇資料﹗希望唔會再有其他甩漏啦﹗﹗ 先輕輕解釋一下今次我地會用到既旅遊券﹗比利時國鐵有一種叫RAIL PASS比26歲以上既遊客使用,以不記名方式發售﹗一張售價77EURO,旅遊書話去服務台買會貴過自動售買機少少,但我見有個台灣BLOGGER既說法就剛好相反,話去服務台買會平尐(其實對於歐洲一貫既收費模式唔太合理),到時買完返泥就知到底應該要信邊個﹗﹗ 一張PASS 77 EURO,可以兩個人使用一張 官網資料:http://www.belgianrail.be/en/travel-tickets/passes-cards/rail-pass.aspx 一張RAIL PASS售價77 EURO,可以不限遠近,搭乘10次火車遊走比利時,姐係每程7.7 EURO,仲可以兩個人一齊用(好似最多五個)。即使要跨國,都依然可以善用哩張RAIL PASS去到最近邊境既站,再加一張跨境既火車票即可﹗ 例如,我地要由比利時布魯塞爾機場出發去荷蘭既鹿特丹,我地只要係RAIL PASS填Brussels Airport - Zaventem (Be) to Essen(離荷蘭最近既比利時城市),加一張ESSEN TO ROTTERDAM CENTRAL(16 EURO)既車票就可以﹗﹗ ESSEN去ROTTERDAM車資係每人16EURO 有關由比利時機場既DIABOLO FEE 本來Brussels Airport - Zaventem to Rotterdam Central既車票,大概係40 EURO一個人(唔肯定是否包含DIABOLO FEE)。假如我地用RAIL PASS的話,就係7.7 + 16 + 5.3,姐係29EURO,最少平左10EURO(假如要加返DIABOLO FEE就唔止)。可能就咁聽好似好複雜,咁咪要落車再買車票轉車囉﹗﹗以我哩尐懶人,要咁麻煩梗係唔會啦﹗總之你準備好兩程既車票,就可以登上一架直接由機場出發去鹿特丹既直通火車,唔使落車唔使煩﹗﹗ 唉,只可惜哩個如意算盤似乎係打唔響,激死﹗﹗點解﹖﹖都唔知係好彩定唔好彩,之前一直只大概搵左路線,知道有直達車唔使煩,點知當今日(4月19號)上網諗住睇定班次就發覺中伏了﹗﹗ 當我係比利時國鐵輸入資料後 結果係突然要轉車,無左直達班次 唉,除左想慳錢,仲係想懶架嘛,唔想轉車,但因咩事突然無左哩﹖明明4月20有,4月23都有,偏偏4月20同21無左﹗﹗ 係比利時國鐵官網搵唔到答案,但去荷蘭國鐵官網就搵到答案了﹗﹗ 係荷蘭國鐵網輸入同樣資料,4月20有,4月23有,但4月21就無,到底點解 原來4月21、22都有工程,部份鐵路路段要關閉,所以只能繞道而行 唉,原來4月21同22,比利時同荷蘭接連既鐵路路段要維修,所以停駛,要繞道前行﹗於是,明明1小時40分鐘既車程,就變左做2個半鐘﹗﹗唉,最重要係,我唔想轉車吖嘛大哥,咁樣搞一搞,又要落車,又要轉月台,仲要一到埗,未熟習環境就要轉幾次車,真係怕甩碌﹗﹗ 不過就咁,好彩叫做係出發前已經知道,好過落到機先突然發現,要不實淆底兼鬱燥﹗﹗所以,始終都係,有準備好過無準備既﹗﹗