香港人在日本考車牌 – 合宿生活第15天

2019年6月10日

如果我不是第一階段第一次的考試不合格的話,應該今天就能夠畢業了⋯⋯

希望2日後能夠順利畢業。

今天的Schedule:

8:50 教習
9:50 教習
10:50 卒モ
14:40 教習

*學科是指理論課,在課室裡聽老師上課;教習是指實際乘車學習的路上課。日本學車都是理論與實踐並重,兩邊平衡一起上課。
*第二階段的學科總共有16堂,課堂的次序不一定順序上,總之到第二階段完結是一至十六課都有上過就可以。
*在第二階段有限制每日教習(乘車)上限是3堂

 

今天早上的教習也是連堂,是重溫「自主經路設計」,我要跟拍擋2人,從A點駕駛到B點,然後從B點到C點,再從C點返回A點,2人輪流駕駛。路線由自己決定,不會有指示。

來到這裡也有2星期,也開始熟悉附近的道路,比上次輕鬆多了。

 

10:50 再考了一次模擬筆試,今次的結果是90分,剛剛好合格,也剛好達到了至少出席2次模擬試而其中一次需達到90分以上的要求。

 

吃午飯時看見跟我同一天入學的同學們手上拿著畢業證書,不禁有點心酸,如果我不是失敗了一次,也許我今天就能夠畢業了。

 

 

由於今天的課在下午3時半左右便已經完結。我決定到校外走走。

學校的單車只可以在晴天外借,今天下雨,不能借單車,唯有行路。

 

學校附近竟然有SEGA,我最愛的夾公仔店,裏面竟然有100日元夾兩次的機台!

 

今天風很大,強風竟然把我的傘吹爛了(幸好是從學校惜來的傘),唯有撐著爛傘回學校。

オヤスミ。

 


補充:

日本學車分為第一階段和第二階段,各個階段各需要一星期左右。兩個階段各有學科和教習。第一階段的教習是在場內實習;而第二階段則是在路上實習。

第一階段所有學科以及教習都完成後,便需要考試(修了検定),分別要考技能試(路試)和學科試(筆試),兩個考試都合格後便會得到「仮免許」,也就是學牌,要有仮免許才可以在一般道路上駕駛,所以第一階段的教習都是在學校場內上課。成功考取仮免許後才可以進入第二階段。

第二階段所有課堂完成後便需要在學校考路試,路試成功合格後便可以取得畢業證書,正式從駕駛學校畢業。(第二階段沒有校內的筆試)

畢業後要在一年之內拿著自己的畢業證書到自己所住的地方的試驗場去考筆試,合格後便成功取得日本車牌!


香港人在日本考車牌 – 合宿生活第1天
香港人在日本考車牌 – 合宿生活第2天
香港人在日本考車牌 – 合宿生活第3天
香港人在日本考車牌 – 合宿生活第4天
香港人在日本考車牌 – 合宿生活第5天
香港人在日本考車牌 – 合宿生活第6天
香港人在日本考車牌 – 合宿生活第7天
香港人在日本考車牌 – 合宿生活第8天
香港人在日本考車牌 – 合宿生活第9天
香港人在日本考車牌 – 合宿生活第10天
香港人在日本考車牌 – 合宿生活第11天
香港人在日本考車牌 – 合宿生活第12天
香港人在日本考車牌 – 合宿生活第13天
香港人在日本考車牌 – 合宿生活第14天
香港人在日本考車牌 – 合宿生活第15天
香港人在日本考車牌 – 合宿生活第16天
香港人在日本考車牌 – 合宿生活第17天

This entry was posted in 日本 and tagged , , , , , , , , , , , . Bookmark the permalink.

7 Responses to 香港人在日本考車牌 – 合宿生活第15天
  1. theholygrailtheholygrail says:

    原來係咁, 我大約有個大綱 打算寫9個景點左右 學博主大約3個月移動一次
    咁博主有冇寫晒每次移動或者每次去每個景點具體搭咩車同埋詳細咩號碼巴士或者邊條線鐵路 ?
    定就咁模糊交代下大部分都係搭鐵路就ok呢 ? 我驚自己miss左依part :(

    因為有個backpacker網見到有台灣人係北海道旅館打工可以轉到長期visa, 但佢又唔似有大學學歷 (可能我睇漏) , 好似唔係經人才.技術轉 ? (唔sure)

    我都好感謝博主一直詳細解答 希望可以玩得開心 :)

  2. theholygrailtheholygrail says:

    感謝博主無私的分享, 我都有睇晒呀, 想八掛下你就來一年, 轉唔轉到長期簽證呢~? 另去日本wh買邊類型保險就夠同埋你會建議日本程度n4既男仔可以做咩工作? (博主應該係女仔 ? 感覺上酒店係咪多數請女仔的? )

    先感謝!

    • 小水獺 says:

      您好,很感謝您的支持。

      我更新咁慢竟然都有人睇晒,好感動T.T
      早排都比較忙更新比較慢,最近比較得閒,希望可以至少每星期更新一次

      我原本係打算轉長期簽證,可惜無大學學歷,申請唔到日本工作簽證,只好執包袱返香港T.T

      我去日本WH沒有買工作假期保險,因為我加入了日本的國民保險,不想比兩邊錢。

      (無錯我係女仔,但我工作的酒店都有男員工,雖然比例上都係女多男少)

      找工作方面如果酒店工作一般都要N2以上的日文程度,因為除了外國客人之外日本人也不少。

      如果日文程度N4左右的話建議可以找飲食店的工作,我之前也有在日本的火鍋店打工,我的同事有一些日文只會一點基本的單字,因為我打工的火鍋店位於新宿,外國客人比較多,而且是一位員工負責一檯客人,而也們也只會讓日本人招呼日本客人,外國人或者英文流利的日本人招呼外國客人。但缺點是日文比較難進步,而且人手太多的時候會被CUT更。飲食業亦比較難轉長期的工作簽證。

      另外也可以試下做免稅櫃檯,但因為我沒有做免稅櫃檯的經驗,未能提供太多資源。

      希望可以幫到你:)

      • theholygrailtheholygrail says:

        感謝博主既回覆同回咁快, 我仲感動呢 ^^

        博主今次有冇識到日本朋友呢~

        係呢, 如果人本身內向係日本工作 尤其依種服務業會唔會輸蝕d ? 聽聞日本人都好內向吧 ? 你今次去大約幾%時間工作同幾%時間玩 ? 係理由書係咪唔寫計畫點係日本工作好d ? 感覺上佢地想用wh促進當地經濟多過勞動力 ? 你有係理由書寫將會去語言學校嘛 ? 完全唔識日文我上網睇台灣人討論好似唔算最重要條件~?

        如果我本來無咩錢, 真係岩岩好掂到2,3萬要求, 係咪好易唔批 ? (但我會係11月之後努力搵錢) , 過往工作經驗無咩證明又寫唔寫好呢…

        原諒我太多問題了 , 博主如果空閒就慢慢回吧 , 來緊小弟30歲前10月最後一次申請機會 , 所以好緊張… 麻煩晒了!

        thanks a lot ! 好人一生平安 :)

        • 小水獺 says:

          其實我個人本身都好內向,但我之前喺香港同日本都係做開服務業,我覺得一般服務都無太大問題。(但推銷類的工作就免了,我一定不適合)

          理由書方面其實最好唔好提及工作,因為WH的目的係去體驗日本文化同生活,工作只係比你可以邊旅行邊賺旅費。官方亦有表明「這不是以工作為目的之簽證(VISA)。工作只是被認可為度假的附帶活動。」所以工作部分可以不提。

          至於語言學校方面,因為我寫理由書嘅時候仲未決定去唔去語言學校,所以冇提到。

          如果金錢上只係啱啱好掂到2,3萬要求的話,建議要盡早搵工,因為日本普遍比較遲出糧,以我之前酒店份工為例,今個月1~31號嘅人工,下個月嘅20號先會出,所以要有心理準備搵到工之後可能要2個月後先會出第一份糧。如果盤川唔多可以搵包食包住嘅工,支出會少好多。

          工作經驗其實寫完佢唔會CHECK,亦無需要提供工作證明,所以其實照寫冇問題。

          其實日本WH真係好易批,每一期幾百個人入面只有大概10個人左右唔批,而且聽講唔批果啲多數都係文件交唔齊,所以其實只要交齊文件其實9成9都會批。

          如果再有問題歡迎再問我,可以幫到你解決問題我都好開心:)

          • theholygrailtheholygrail says:

            感謝晒博主回應 有少少問題想再問~
            最近有點忙 依家開始著手準備臨急抱佛腳 希望一星期左右搞掂吧

            1.國民保 想學博主去到先買國民保, 咁係交申請表時同職員承諾就ok~? 要寫落理由書嗎? 依條link(https://www.facebook.com/hkgirls.jp/photos/a.1499388047002875/1500966820178331/?type=1&theater)話佢先買左本地少少保再去日本買國民保 , 其實使唔使呢
            2.其實我係為左一d原因想去日本 例如偶像 但我感覺寫依樣落去理由書印象上唔係幾好同對文化體驗好似唔夠說服力(可能依d叫次文化啦 始終流行音樂) 所以對日本景點唔熟 依家惡補緊
            你會建議寫幾多個景點 計劃上係咪要詳細列明「全年」行程 同價格 之類 , 同埋某日子會「具體」會全日做d咩 , 會唔會講埋平時唔觀光時候係日本生活住咩酒店或租咩屋~?
            3.申請表同履歷表你係上網印出來 ? 去現場有得拎嗎 ?

            感謝感謝感謝 一千個感謝

            =======

            係呢 最近香港好亂 博主返到有冇d唔慣

            會唔會再寫下事後感想 期待你既感想

            另外之前睇你7月留言好似提過日本僱主想幫你申到長期visa, 但之後交表日本政府話無大學學歷所以唔批 ?

            Have a good day ! :)

          • 小水獺 says:

            您好:)

            1.國民保同WH保險各有各好處,如果預算夠其實最好兩個都買。
            有國民保的話低日本睇醫生會有3折,日本睇醫生好貴!
            至於WH保險就視乎保單,如果有興趣去偏遠地區例如滑雪場打工就最好有WH保險,萬一有意外都有保障。

            其實去交申請表嘅時候唔需要咁快決定買邊一個,亦唔需要交證明住,到發表結果之後,知道自己成功批到VISA,去北角攞簽證嘅時候先至要交保險證明。
            如果你係打算去到先買國保,就要填好「誓約書」,攞簽證嘅時候帶埋過去。
            誓約書格式:
            https://www.hk.emb-japan.go.jp/jp/docs/working_holiday_seiyakusho.pdf

            2.其實如果係追偶像去日本其實都可以講自己好鐘意J-POP,因為J-POP而對日本呢個地方產生左興趣,所以好想更進一步去了解呢個地方。
            我當時寫嘅時候大概寫左我呢一年黎嘅目標,例如我要去晒日本三景,要去儲御朱印
            我寫左我大概3個月移動一次,因為我係秋天出發,個PLAN大概會係一開始係關東睇紅葉,然後去關西睇雪,春天去中國四國地方賞櫻,夏天再去北海道避暑睇薰衣草,完結一年旅程就返香港。
            我冇提及工作、價錢、住宿

            但其實行程點寫都得,去到日本唔需要照住做,我果時寫環遊日本,但事實上我一年黎大部分時間都係東京

            3. 只有申請表係現場有得拎,其他都要自己PRINT定出黎,簽證中心唔會幫你印。
            影印本亦最好自己印定,去到都有影印機同證件相機,但價錢超級貴!!

            其實返到香港真係有少少唔慣,
            尤其是低日本過馬路斑馬線可以完全唔洗睇車,車一定讓人,但香港就要睇清楚有冇車先可以過。
            同埋我宜家係香港搭車都會覺得啲人講電話同傾計嘅聲好大聲好嘈

            之前我日本僱主係想幫我轉工作簽等我可以留低做FT,但日本工作簽一定要有大學學歷或者相關經驗,可惜我兩樣都冇⋯⋯
            所以唯有返香港:(

            好開心你一真咁支持同咁留意我個BLOG,希望你可以成功去到日本WH,去到玩得開心啲:)

Comments are closed.