唔知汪呀姐見到佢會唔會又嚇到個心離一離呢LOL 點擊圖片放大 大家唔好以為係馬房吖,其實內有乾坤。 以前啲人生個火就係住係度架喇,麻雀雖小,五臟俱全架。 入面通風又涼爽,夏日炎炎冇冷氣都唔怕。 風吹雨打亦都冇有怕! 係呀你冇聽錯,係可以遮風又擋雨,仲要滴水不漏,堅過石堅! 因為起屋果陣用嘅石(頁岩),可以防護同埋阻擋雨水嘅滲入。 由於受到地理環境嘅條件所限,起屋嘅材料通常要就地取材。 正正因為咁,佢嘅外型特徵隨之會有所不同。 大致上嚟講,起呢個賽德克族家屋需要嘅材料主要包括: 茄苳、梢楠、樟、檜、櫸、杉等等材質好堅固嘅木頭同埋大量嘅石頭(頁岩), 最後用繩結去固定。 原汁原味,一手一腳,堆砌住賽德克部落民族嘅每滴血汗。 傳統賽德克族家屋以「半穴居」為多數,喺搭建工程進行緊嘅時候, 賽德克族人會喺地基再向下挖掘大約80~200cm,呈「半穴」形, 亦成為咗賽德克族傳統家屋嘅主要特徵。 因應賽德克族人選擇生活聚落嘅地理環境型態, 同埋增加間屋喺防禦性、保溫性上嘅功能,就構成咗呢個「半穴式」喇。 傳統家屋構造形式—半穴式構造 唔洗ff喇,香港地恨唔黎。 住慣石屎森林一磚一瓦嘅我地,如果可以體驗下咁pure咁true嘅一草一木,都唔錯呀可? 唔好講笑,真係想喺入面住返晚。 穀倉(附屬家屋嘅建築物) 出面睇,你會話,車~咪一樣又係家屋一間~ 雖然佢同家屋好似樣,但其實佢唔係比人住嘅———「軍事重地」。 古時賽德克族嘅人多數從事農事為主,狩獵為輔。 咁農作物嚟講呢,主要種植小米(黍、旱稻為輔), 有時都會種下甘薯、芋頭、豆類咁, 收成後會放喺個穀倉擺好,一家大細靠晒佢架! 細心啲睇,其實機關處處。。。 嗯,呢戶人家好有米。。。 **建議大家去部落之前先聯絡: 部落負責人(子郡) (國語)Line id : lyungnawi 或者我地 (廣東話)fb inbox: 港里ing 部落會誠意為您預備專業導覽員~ 點嚟呢度?撳我啦!