大家好,我係「年上の妻」,年上係日本解釋為年紀大既意思,我係一個香港太太,為咗工作香港日本兩邊生活,一個好鍾意日本既媽媽為咗可以體驗日本生活,係東京一個住宅區租咗一個小房間,令自己可以更加貼近日本既生活,我喜歡記得我香港日本的生活情況,分享我眼中不一樣的日本, 希望令更多人了解日本 早幾日係家門口見到麵包超人校巴之後又見到高質既比卡超校車,點解日本既校車咁可愛架,佢絕對唔係幅射版,超高質車頂有立體公仔連超夢夢都有,我唸每個小朋友都會好想返學,其實日本小朋友既獨立係由細訓練出來,每個小朋友讀小學只可以選擇最近家既學校,同埋要自行返學唔可以家長接送,我地係日劇睇到既小朋友自己返學放學既劇情,係日本每個小朋友必經既過程,而係學校如果小朋友之間有咩身體接觸,唔好以為好小事同日劇一樣雙方父母到進行一次會面,道歉......,我都曾經問過朋友小朋友之間玩好平常,但係日本朋友話小朋友都要為自己做過既野負責任,要面對自己所做既事. 品德都係由細開始陪養. 呢方面睇得出日本人對自己既要求係有一定標準. https://youtu.be/8qOY2xByyC8 點擊圖片放大