2017年10月去完北海道後,今年趁4月中調職前,在2月尾策劃了一次八天的關東之旅。相信好多人第一次去日本會選擇東京這個大都會,比我還要熟悉得多。我就比較鍾意鄉郊和唔多人的地方,所以九州,四國,立山黑部,岡山,米子,北海道的地方都是去過後才選擇東京。除第一日會去東京市中心的景點外,其餘日子會去市郊,最遠係去輕井澤及水戶。二月大多數櫻花未開,不過水戶有梅花祭,伊豆有河津櫻,所以都唔係無花睇。另外,我睇過天氣預測,只有第七日天晴無咁多雲,所以該日就走去富士山河口湖行下。 11:15pm 該日自己搭凌晨機,所以夜晚十一點乘機鐵到了香港機場T1 k區 checkin 1:15am 將會在217閘口登機 1:55am 香港航空HX606起飛,預計早上7:05am到東京成田機場第二航厦。 6:40am 提早飛抵東京,好快就過了關。 我所住的酒店在泉岳寺。 由成田機場出市區有JR成田特快 NEX,可以坐到品川再轉坐都營地鐵到泉岳寺,或者坐京城电鉄Skyliner到上野才轉車,前兩者車票都比較貴。而坐京城电鉄Sky Access Line直接到泉岳寺站,就只約1380yen。因為我諗住在香港所買的東京廣域周遊劵到明天才開始用,而且Sky Access Line車票比較平,所以選擇了坐Sky Access Line。 點擊圖片放大 +2 7:53-9:12am 坐京城电鉄Sky Access Line往泉岳寺站 酒店附近都是民宅,食市不多。 9:40am在京急 EXイン品川・泉岳寺駅前酒店放下行李後往酒店附近都營地鐵泉岳寺駅用售票機買了700yen都營一日乘車券 該日打算由南到北玩,會去東京鐵塔,築地市場(後來無去),參觀東京皇居,東京車站,雷門,淺草寺,晴空塔 Skytree及台場(不過時間關係又比較累無去),最後到網上訂了品川王子飯店的LUXE DINING HAPUNA吃自助晚餐。 10:01am 坐都營地鐵到達東京鐵塔附近的赤羽橋站,在天橋底下的赤羽橋口出。在站外已經可以見到紅白相間的東京鐵塔。(都營地鐵淺草線泉岳寺-->大門-->轉大江戶線赤羽橋站赤羽橋口出口行5分鐘) 沿鈄路行上去見到一棵盛開的櫻花,都幾奇怪,咁早開。 點擊圖片放大