【遠足】呼吸一口新鮮空氣.2小時行大老山│蝴蝶結姐姐

留在家中太耐,暫且除低口罩一回,上山呼吸一口新鮮嘅空氣,格外不同。今次老公帶路去咗大老山,路程大約兩個小時,主要以車路為主,一家大細都啱行啊!

大老山位於九龍黃大仙區與新界沙田區之間,從法藏寺出發,沿路由斜路上,並不難行,沿途可俯瞰高樓、維港景色,行到攰可以係恆益小食店歎個豆腐花 $13同咖喱燒賣$15,或者杯麵作補給,但提提大家小食店的座位有限,就需要在外面吃啦。

繼續出發,都係一直沿車路行,行都攰,亦有數個涼亭稍作休息。正值芒草季節,大老山周圍都能欣賞到不少盛放的芒草。

上到最頂就係大老山氣象站,球體裝置以及長長梯級吸引不少人專程上嚟影靚相㗎,咁辛苦行到上嚟,我梗係都要影返幾張啦!

將近黃昏,回程可以沿路落山或者另一面方向往扎山道下山,沿小路石級返回富山邨,我們選擇後者,落山後有巴士往港島。

最後送上漂亮既日落一幕俾大家啦!

交通:又一城搭73號小巴去到法藏寺落車

路程:行山連影相約2小時,來回3至4小時

難度:2星

#記住自己垃圾自己帶走

路程儘管遙遠,但辛苦過後,回報總是美好的。

♡ඩ⌔ඩ♡ ♡ඩ⌔ඩ♡ ♡ඩ⌔ඩ♡ ♡ඩ⌔ඩ♡ 

信箱 : butterfly.enjoylife@gmail.com

This entry was posted in 消閒, 行山郊遊, 遠足 and tagged , , , , . Bookmark the permalink.