今年決定和家人來個family trip, 研究左好耐今次短途旅行去邊度. 台灣自己剛去完, 韓國的話屋企人又唔食辣, 東南亞屋企人又怕熱, 結果最後買左十二月福岡的機票. 行程規劃 因為同屋企人一齊去, 呀爸都就六十, 所以都唔想成日搭jr坐咁長途去周邊玩. 今次plan嘅地點就多啲留喺福岡市內, 如果肚餓去醫肚, 或者攰想返酒店休息都比較方便! 同埋亦都要諗啲啱老豆嘅行程, 無理由叫老人家陪自己全日去藥妝店或者買衫架嘛 行程規劃 Day 行程 餐點 1 下午5:10pm 到達機場. 博多站聖誔市集 晚餐: Champion 燒肉 2 能古島+ Marinoa City Outlet & 坐摩天輪 早餐: Sukiya 午餐: 能古島防人餐廳 晚餐: 一雙拉麵 3 市內逛街 Canal City Gundam Base + 博多車站/休息時間 + 天神Cospa 早餐:元祖博多めんたい (食明太子) 午餐: 博多地下街Doug's burger 晚餐: 吉列牛扒 4 柳川+太宰府+天神逛街 早餐: 西鐵車站 午餐: 柳川鰻魚飯 晚餐: Café Del Sol +串燒 5 由布院溫泉 早餐: 博多車站 午餐: 湯之坪街道小吃+由布院烏冬 晚餐: 別莊 今昔庵 6 由布院-福岡國際機場 早餐: 別莊 今昔庵 午餐: Yufuin Burger 因為爸爸鍾意日本高達/動畫, 所以今次專登安排左 1) Fukuoka Gundam Base, 2) Cospa (買日本動畫精品) 比爸爸. 同埋中間呀爸都主動話要行Daiso同大丸百貨嘅北海道展 (佢自己喺睇民宿睇電視果陣見到,跟住話要去架). 至於中間都有去下藥妝店, 其實呀爸對於買日本藥呀, 牙膏, 鎮痛貼果啲都好有興趣. 所以如果同兩老去旅行, 都可以考慮下依啲購物點. 住宿地點 福岡最熱門有2個住宿地點 - 博多車站同天神. 今次因為同屋企人去, 而呀爸又好大鼻軒聲, 所以就想揀有2間房嘅airbnb民宿. 有2間房嘅選擇唔多, 於是就揀左住博多車站了, 但就覺得唔太方便. 所以今次去完旅行對於住宿點嘅感想就係: 博多車站 - 因為唔算多野行同多野食 (餐廳係有嘅, 但自己save落出名的餐廳全部近天神同中州), 所以適合玩搭jr玩九州周邊地區, 唔多時間留喺福岡市內嘅人 (e.g. 熊本/豪斯登堡/長崎) 天神 - 如果計劃多啲時間留喺福岡, 遠極只係去太宰府/柳川/由布院嘅旅客, 我會建議住天神, 因為會多野食同shopping 嘅地方. 而且去太宰府/柳川都要去天神西鐵站搭車, 所以都只係抽一日去博多車站搭由布院之森去浸溫泉. (或者別府都係一樣) 機場往返市區交通 官方網站: https://www.fukuoka-airport.jp/china2/access.html 主要有機場巴士或者地鐵. 機場巴士嘅話喺國際線機場一出去就可以搭. 到天神所需時間:約35分,到博多所需時間:約15分 如果搭地鐵嘅話要先搭機場嘅免費shuttle 去國內線機場 (15 min), 然後先搭地鐵出市區. 搭地鐵係好快, 2個站就到博多車站, 5個站到天神. 另外少少慳錢tips, 機場有賣地鐵2日pass, 740yen (https://subway.city.fukuoka.lg.jp/cha_trad/fare/two/ ), 如果到埗當日同之後果日總共搭多過3程地鐵都好適合買. 記住要買嘅話要喺國際線機場買呀, 因為國內線機場個地鐵站得1日pass (640 yen), 無2日pass 的. 2日pass 嘅售賣地點係福岡國際線機場, 博多站觀光案內所同天神觀光案內所. 市區交通 按網上資料好多人都會選擇買不同嘅pass, 例如地鐵pass, sunqpass等等. 因為民宿距離博多地鐵站要走大約十分鐘, 所以我們一般都是坐市內巴士. 所有西鐵巴士往來博多<-> 天神地區只是100yen. 相對坐地鐵需要260yen, 我認為坐巴士方便多了, 又不用上上落落地鐵站那麼麻煩. 搭乘巴士可使用現金或是 IC卡, 所以沒有日本的"八達通"也沒所謂. 我地結果喺市內都無買到任何pass, 覺得亦都唔需要.不過如果主要用地鐵周去的話, 可能買pass會抵一啲, 要自己計一計數.