細細個就已經好鍾意鋸扒,因為鍾意食牛肉。呢兩間餐廳真係我由細食到大,真係充滿童年回憶!有時覺得一間餐廳可以生存到咁耐,真係好難得,雖然已經未必再好似最初嘅味道,因為可能食材改變或者廚師離職,香港租又貴啦。不過我覺得由細食到大嘅餐廳,食嘅係一種童年味道,係一種懷念,就好似係外國嘅時候會掛住香港嘅小食一樣。 大概人都喜歡回憶小時候的美好吧! 有一間豉油西餐鐵板扒餐係我由小學開始食,果時已經成日都要排隊等位,最鍾意就係叫:「蘇格蘭牛扒加蒜蓉要黑椒汁,紅湯,唔該!」佢個羅宋湯好多料,好濃味,正! 塊扒仲要超出個鐵板勁多,好抵食^^ 最離忘係去親呢度鋸扒,都煙霧瀰漫,haha 細個覺得好得意㗎!仲有老闆會開咪講野,真係好特別,老闆都退左休好耐! 以前鋸扒已經好開心,仲要有鐵板,啲汁倒落去果下支支聲,好興奮haha 細個真係小小事就好開心^^ 金鳳大餐廳 地址:太子荔枝角道102號金鳳樓地下 另外呢間意大利餐廳係我幼稚園已經超鍾意去,呢間餐廳係我呢生人第一次去嘅candle night dinner! 以前真係勁暗,而家已經光左好多,haha 呢度門口可以睇到師傅即整PIZZA,以前有一段時間因爲請唔到師傅,停售過一排。黎親呢度一定食蒜蓉包,PIZZA都係即叫即整。 燒牛柳呢個餐,我一定會食,由細食到大,因為我真係太鍾意鋸扒,佢個蘑菇汁實在太好味! 雖然我唔鍾意食羊,但呢度個羊架都可以,無羶味,份量又多,好滿足。 後期仲有生蠔食,真係好好。 其實仲有個酥皮焗海鮮湯都非常正,不過飲完呢個湯,食埋個酥皮都飽喇,食唔到其他野haha 所以唔係成日叫,勁肚餓果日一定會叫haha 燭光晚餐我細個好瘋狂,超鍾意,細細個已經係一個浪漫嘅細路haha Tivoli 意大利餐廳 地址:香港尖沙咀柯士甸道130號嘉碧大廈 電話: +852 2366 6424 訂閱Natalie ☆YouTube☆ ★instagram★ ☆Facebook☆ VOOV直播 ★Natalie Chu★ ID:600204301 Blog ☆Beauty Exchange☆ ★She.com★ ☆U Blog☆ ★Blogspot★ ☆Cosmo Blog☆ for any enquiries pls contact chunatalie4@gmail.com