早排去左新加坡,食玩瞓左幾日,小不免都會濕下平,係濱海灣金沙購物商城行下行下,聞到好香,陣味好天然,有一檔賣香薰 ,真係一檔,因為佢唔係舖,係商場中間有個位咁樣樣。見到好多不同香味嘅產品,第一眼就見到薰衣草+洋甘菊產品。因為有一次無意中睇到一篇文章,講話薰衣草+洋甘菊對濕疹有舒緩作用,所以想買。用左真係有舒緩情況,所以今次新加坡之行都有收獲。 用左呢個Bath Salt,成身皮膚都滑左,可能都關浸浴事,因為血液循環好左,所以日本人咁鐘意浸浴都啱。個浴鹽上面有好多薰衣草同洋甘菊嘅碎碎,放落水度鹽溶左都好香。 夏天開冷氣都令到皮膚好乾,但搽body lotion有d又黐立立,有時都好矛盾唔知搽唔搽好,仲有濕疹驚搽左仲衰,所以平時夏天唔會搽,由佢乾死。 呢隻Lotion搽左吸收得勁快,又唔黐立立,識左佢就唔使乾死 有時行街睇戲食飯都覺得攰嘅我,真係好鐘意按摩。其實按摩好好架,中醫嘅角度係保健架,所以間中按下人都長命。買支按摩油係屋企做咩?有時口腫面腫會用黎接下頸部淋巴位,排下毒塊面無咁腫。有時隻腳行得多腳又痛又腫都可以自己按下。Massage Oil都幾好推,唔會推幾下就俾皮膚吸晒,都唔算太黐立立。 天然成分產品一般都唔放得耐,呢個牌子就建議開封6個月用晒。Mt. Sapola好多國家都有得買,但香港而家無專櫃,要買就要打電話買。好彩香港都有途徑買到,幾驚無 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ https://blog.ulifestyle.com.hk/blogger/natalieluvbeauty/ Facebook https://www.facebook.com/Natalieluvbeauty for any enquiries pls contact: chunatalie4@gmail.com