去日本一定會行藥妝店,買藥、買護膚品、買化妝品,今次唔係本人自己去,你知啦託人買野真係唔可以太過份,但以下果幾樣都好熱門,有D香港都已經上埋架,仲俾人埋怨山長水遠託返黎 1. HelloKitty 保濕MASK 拿拿拿呢個香港應該無咁易買到,應該係,除非唔係Kitty控嘅我,有人好心買俾我,Kitty著和服,好打耳Google下間廠有出美容儀噐,產品應該OK,成分有綠茶、透明質酸、膠原蛋白,一試無妨 2. 豆腐MASK 呢個拎左勁多NO.1嘅MASK,日本明星梨花都有推介,仲有勁多日本雜誌勁推,真係不得了。其實有時懶嘅時候或者時間無咁多,我會選擇用Cream狀Mask,因為敷完可以做其它野唔會跌落黎,好似方便D。出呢款Mask嘅豆腐盛田屋,本身係做無添加豆腐。無添加 、無防腐,敷完好似豆腐咁勁滑,啱晒我呢D懶人,仲有香港好多連鎖店都有賣,方便 3. Lululun保濕Mask(Paper & Cream Mask) 呢款Mask可能已經去到家傳戶曉嘅地步 ,Hit左幾年,2015年銷量破億,你話誇唔誇。粉紅色呢款一年四季都啱用,可以日日敷,成分有高保濕透明質酸、蜂王漿萃取物等等,夏天可以放雪櫃,晒完敷返塊冰凍Mask,正Cream狀Mask我會搽左一層,再係上面敷多塊Mask,一套咁用,效果更正,懶果時仲可以當Sleeping Mask用 4. HOGRELA 鎮痛滾珠筆 扮工人仕,成日對電腦,肩頸真係好易痛。大廠製做,LION 獅王,鎮痛消炎,好過好多鎮痛產品,因為有藥味我唔太頂得順。呢支筆,好方使又唔難聞,葡萄柚香味都幾好味 唔係食架記得! 5. SHISEIDO藥用潤唇膏 一到冬天我就會生唇瘡,自從認識左呢支潤唇膏之後,就無再出現呢個情況(touch wood) Cosme No.1 藥用潤唇膏有鎖水因子、 Vit E、Vit B6,唔會痴立立,而家我一年四季都用 6. SOFINA Primavista 持久控油底霜 夏天會帶黎滿面油光,化妝前底霜我一定揀控油,但有D又太乾,但呢支暫時黎講係我用過最好。又保濕、又控油、調埋色仲想點 一直好想買台灣版,平好多,但去親都無貨,真係唔開心!台灣版仲係Sofina專登為台灣潮濕天調配,好似都啱香港天氣,不過這些機會不是我的 7. ROHOTO Lycée 小花眼藥水 粉紅色眼藥水仲有玫瑰味,未免太少女,不過我鐘意戴CON用得,防UV,涼涼地,消除眼睛紅根,仲有Vit B12俾眼睛營養。眼睛俾人第一印象,要好好保養 其實仲有好多日本藥妝都未介紹,下次再講 睇到盡頭便是型,多謝 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ https://blog.ulifestyle.com.hk/blogger/natalieluvbeauty/ Facebook https://www.facebook.com/Natalieluvbeauty for any enquiries pls contact: chunatalie4@gmail.com