Weekend有咩做?尋日咁大雨梗係煲劇啦! 最近有一套韓劇好似幾吸引,因為男主角係李鍾碩,第一次睇佢係《聽見你的聲音》,睇完即刻戀愛了,所以今次佢套新劇一定要睇啦!其實套新劇講咩我完全唔知,但睇左第一集就已經覺得題材幾新穎,好有追看性!本身會等到套劇完先開始追,因為唔想等,但呢套劇,真係要追,因為太懸疑。 姜哲(李鍾碩飾)係漫畫中男主角,角色設計好有創意,而女主角吳妍珠(韓孝周飾)係同一空間不同次元嘅人,呢套劇又奇幻、懸疑、浪漫、愛情故事,雖然都係離唔開男主角係又有錢,又靚仔,又會買野俾女主角,又有名車接送等等。 女主角爸爸係漫畫作家,筆下男主角就係姜哲,男女主角相遇第一幕,吳妍珠穿越到漫畫世界救姜哲,太奇幻,實在好爆。點解吳妍珠可以穿越,點解姜哲會受傷,劇情仲未有交代。第二集吳妍珠又要穿越,為左要返現實世界同姜哲Kiss,原來吳妍珠爸爸知道佢同姜哲相遇,又有爆點。第三集仲爆,睇到笑左出黎吳妍珠又為左要返現實世界係姜哲面前裸體,姜哲仲打左吳妍珠一槍,最奇怪係唔知點解姜哲知道吳妍珠唔會死。第四集吳妍珠無啦啦坐監,係監獄消失,結尾真係好想快D睇下一集,因為姜哲穿越到現實世界。。。 講唔到咁多,自己睇感受會大好多,VIU有得睇,非常方便。 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ https://blog.ulifestyle.com.hk/blogger/natalieluvbeauty/ Facebook https://www.facebook.com/Natalieluvbeauty for any enquiries pls contact: chunatalie4@gmail.com