怕老不如防老 Eucerin補水抗皺產品推介 擊退初老輕鬆打造年輕肌 [另有眼霜用法小貼士]

天生貪靚又懶嘅我,有時真係好似唔想搽咁多嘢,但係又驚皮膚會漸漸老化>.< 矛盾嘅人總要搵一個令自己最舒服嘅護膚方式先可以做到持之以恆,有時個人連去買都會懶,要連鎖店都有得買先方便。所以護膚品一定係CP值要高,方便購買,先會想KEEP住用。而家護膚嘅取向係要保濕得嚟又抗衰老,加強皮膚抵抗力得嚟又可以激發肌膚自生。試過好多產品,唔係支支都有晒想要嘅功效。而Eucerin產品就係我最推介同最滿足到我要求嘅護膚品。今次會詳細介紹佢地嘅眼霜、面霜同小銀彈精華。之後仲會有個懶人必學嘅眼霜用法分享。

之前都有用過 Eucerin 產品,醫學美容科研,佢嘅產品CP值超高,產品有效但又唔貴,最緊要係Watsons有得買,值得被推介。Eucerin 透明質酸緊緻充盈系列中有一個產品,係連續8年韓國銷量NO.1 – Eucerin 透明質酸緊緻充盈眼霜,令我覺得終於搵到寫咗我名嘅眼霜,好啱我用^^

Eucerin 透明質酸緊緻充盈眼霜,有晒大細份子嘅透明質酸,真係皮膚底層到表層由內到外都照顧到。保濕去紋一支攪掂,懶人必備嘅電眼神器!最緊要係Eucerin 透明質酸緊緻充盈眼霜有SPF 15+ UV保護,從未用過有眼霜會有SPF,真係非常啱我心水,活性成分會促進肌膚透明質酸自生高達256%。雖知道眨得眼多都易有紋,要保持bling bling 電眼,真係要日日夜夜都用佢。妝前當底霜都超正,因為撫平晒眼紋再上妝,仲唔係電眼神器!

Eucerin 透明質酸緊緻充盈眼霜,個質地好容易推開,一搽上眼已經有小小緊緻嘅感覺,通常我都會打圈咁搽,順便按摩埋。眼部皮膚係全面最薄亦都係最容易顯老嘅地方,所以要保養佢就趁早,一陣眼紋出咗嚟要費盡心思先可以改善到,到時真係後悔莫及!

用咗幾日,我左眼下面最深呢條眼紋都淺咗,真係開心到嘩一聲^^ 我之前仲好煩惱諗緊呢條眼紋好似越嚟越深點算好,俾我搵到Eucerin 透明質酸緊緻充盈眼霜,開心到不得了^^ 心情好皮膚都好啲^^

產品種類用得多,發現透明質酸呢個成分係最得我心,勁鍾意用有呢個成分嘅產品,人體都有嘅天然物質,咁一定唔會過敏啦。最鍾意透明質酸嘅原因係,保濕力強及保持皮膚彈性都好重要,所以對於抗衰老都有非常大嘅幫助。透明質酸分子大細都係關鍵,細份子滲透底層皮膚修補皺紋,大份子提升皮膚表層補濕鎖水,Eucerin 透明質酸緊緻充盈系列就有晒透明質酸大細份子,係我近排超鍾意嘅護膚系列。

用過Eucerin 透明質酸緊緻充盈眼霜咁有效,另外有兩個Eucerin 透明質酸緊緻充盈系列產品我都有用,透明質酸緊緻充盈精華素(小銀彈)及透明質酸緊緻充盈晚霜,一套咁用真係全面緊緻!

Eucerin 質酸緊緻充盈精華素(小銀彈),質地好柔滑搽上面吸收得好好,(銀彈)攻勢擊退皺紋XP,再配合埋霜狀嘅透明質酸緊緻充盈晚霜用,搽咗唔會有黏笠嘅感覺,好快就吸收晒!呢套產品每日用配合埋按摩真係好快就見到效,皺紋真係淺咗,全面有細胞飲飽水嘅感覺,彈性多咗真係望落都後生啲。

天生貪靚又懶嘅我,搵到Eucerin 透明質酸緊緻充盈系列,改善到我真正嘅需要,CP值超高又方便購買,真係超值得推介俾各位貪靚嘅朋友仔!

Eucerin透明質酸緊緻充盈眼霜:http://bit.ly/2M0bgLt

Facebook

instagram


 

Natalie ★instagram★ ☆Facebook

 

Blog

Beauty Exchange

She.com

U Blog

Blogspot

Cosmo Blog

for any enquiries pls contact

chunatalie4@gmail.com

 

This entry was posted in 護膚 and tagged , , , , , , , , . Bookmark the permalink.