大阪米芝蓮百年老店壽喜燒

本人好鍾意食壽喜燒,好耐之前已經聽聞過呢間百年老店,拎咗米芝蓮嘅壽喜燒!有一次去大阪嘅時候諗住經過去問下有無位,去到已經FULL晒,諗住第二日下午去食,但午市唔開,因為第二日夜晚已經要返香港,唯有下一次先再去。

跟著下一次去嘅時候,早咗成個月準備,send 咗個email 請酒店幫忙預約,但係嗰次住嘅酒店預約唔成功。跟著再下一次,住 大阪瑞吉酒店,請佢哋幫忙預約,終於都成功。日本人真係好嚴謹,預約食飯都要填張表,留返信用卡資料,如果no show會收返charge,可能太多外國人約咗時間但無去到,所以要有呢條規例。

歷盡千山萬水,終於都嚟到呢間米芝蓮嘅壽喜燒百年老店『北むら壽喜燒』!榻榻米日式獨立房間中享受經營咗百年嘅壽喜燒,真係好正。

關西風味嘅壽喜燒,精選嘅和牛,入口即化,有專人幫服務,唔驚自己唔識煮而壞咗食材。

和牛肉質非常之嫩,吸晒醬汁,加埋鮮雞蛋汁,嘩,真係超好食。

另外仲點咗一個涮涮鍋,同樣非常好食,和牛都係好嫩,好多肉汁。

呢間位於東心齋橋百年老店真係好值得去,係一次好日式嘅體驗,本地人都經常去嘅一間店。

『北むら壽喜燒』

地址:大阪府大阪市中央區東心齋橋1-16-27

電話:(06)6245-4129

大阪瑞吉酒店都係位於御堂筋中心,都近心齋橋,去食北むら壽喜燒都方便嘅!所以想順便推介埋呢間酒店,因為佢幫我成功預約成功,hahah

我人生中第一次去旅行就係去日本,對日本住嘅感覺就係酒店一向都比較細,放得行季之後行兩步就到厠所,有時去到大血拼之後加埋幾袋戰利品,真係舉步維艱!但呢間酒店真係好大,算係我住過最大嘅日本酒店,如果三個人去加床都唔額外收費!

酒店房仲有埋衣帽間,真係好大囉!

日夜景觀都好靚,落地窗望出去真係好有feel。

大阪瑞吉酒店可以徒步行去御堂筋及心齋橋,真係好方便,去大阪可以考慮一下住呢間酒店。

Facebook

instagram


 

Natalie ★instagram★ ☆Facebook

 

Blog

Beauty Exchange

She.com

U Blog

Blogspot

Cosmo Blog

for any enquiries pls contact

chunatalie4@gmail.com

 

This entry was posted in 日式菜, 日本, 活動, 消閒, 米芝蓮餐廳/廚師, 興趣 and tagged , , , . Bookmark the permalink.