妝自然去旅行|innisfree 季節限定彩妝

去旅行一定要帶化妝品同護膚品,但我通常會帶晒成支去,好少會分開裝落小瓶,原因係我懶hahah 其實分瓶隱藏住衛生及護膚品嘅品質問題,所以我先唔分咋!(都係懶㗎喇XP)帶成支去驚唔驚行季超重?嗯,所以我唔鍾意搭廉價航空XP

今季 innisfree 季節限定薰衣草妝容咁靚,真係要帶去旅行果時用啦,要狂影相㗎嘛!化到靚一靚加埋旅行景點,影返一千幾百張靚相 po 出嚟呃 like!

化妝前用大豆神水:自然發酵能量精華液 Soybean Energy Essence EX,被韓國女生稱為「肌膚充電器」,含91%嘅300日濟州大豆發酵原液,有6大功效,9大配方!可以去除角質、整理肌膚紋理、緊緻毛孔、光滑肌膚、改善膚質、強化肌膚屏障!9-Free System 配方,無防腐劑、無動物性原料,無礦物油、無矽油、無人工色素、無聚丙烯醯胺、無咪唑烷基脲、無三乙醇胺(TEA)、無香精,成分溫和,敏感肌都啱用!雖然而家仲好熱,但秋季保濕要做定㗎喇!

我會用棉花濕滿晒精華,敷返幾分鐘,等到皮膚表面吸飽水,皮膚醒神晒之後上妝會貼啲,同埋皮膚夠水份都唔會因為缺水而出油,攪到個妝容易甩。

之後都有用我的專屬絕配氣墊粉底 My To Go Cushion,有成15個色揀,同埋可以揀埋保濕度及遮瑕度,完全係跟著自己個人喜好去揀,氣墊粉底有個小按鈕,容易控制用量。

唔好意思生咗粒大瘡=.= 但係印咗一層粉底已經遮晒啲紅,最衰係粒瘡凸出嚟,唔係就一定遮晒!記得用印嘅方式上粉,毛孔瑕疵都會遮得好啲!

想要自然好氣色,用我的腮紅 #22薰衣草色,珍珠感,陽光照落塊面度,珠光感勁靚,啱晒去旅行影外景相!

化好個底妝同胭脂就到最重要嘅眼妝喇!innisfree 季節限定薰衣草妝容,紫色勁靚,浪漫仙氣粉紫妝都係靠佢喇!

日妝,用咗我的眼影 M47冷紫色上咗近眼線果個位先,之後用 M44櫻桃淡粉色刷暈,跟著加埋我的提亮 G2自然嫩粉色,簡單眼影部分就完成,日妝可以用啡色系嘅眼線做搭配,成個日妝淡淡嘅感覺自然系!

晚妝,用咗我的提亮G2自然嫩粉色上咗成個眼窩,我的眼影G30星夜紫金色上咗近眼線果個位有少少閃粉嘅效果,之後用M48紫芒草色刷暈,跟著再係成個眼妝上面用手指加埋G2自然嫩粉色成個眼妝都有種珠光感,令到成個紫色妝容更出色,妝效又自然!

而家唔想化咁濃眼影,因為會好顯老 >.< 淡淡地,自然散發仙氣咪幾好haha

化個靚妝之後,其實落妝都好重要,有化妝品殘留,皮膚第日會好乾同埋有機會爆瘡!

innisfree 清爽水油全面卸妝液,搖勻先用,夾埋隻化妝棉嚟用,薄薄一片唔會吸晒啲產品嘥咗!敷幾秒鐘再抹, 卸妝液擦一下已經落晒成個眼妝,唔使來回係咁擦,減少眼紋形成。

innisfree 係韓國最大化妝品集團 Amorepacific 旗下重點品牌之一,一直堅持以韓國濟州自然之美及綠色生活為本,研發具天然成分及濟州自然優勢嘅護膚產品。我本身都鍾意天然嘅產品,innisfree 係我其中一個好鍾意嘅護膚品牌。同埋我成日會去買佢嘅指甲油㗎!今次呢個innisfree 季節限定彩妝,顏色又靚,搽咗仙氣十足!我已經執定行季,準備好去旅行喇!innisfree 係我呢次旅行嘅「最佳伴旅」!我一定會影返一千幾百張靚相狂po!! XP

☆ 產品由品牌提供☆

Facebook

instagram


 

Natalie ★instagram★ ☆Facebook

 

Blog

Beauty Exchange

She.com

U Blog

Blogspot

Cosmo Blog

for any enquiries pls contact

chunatalie4@gmail.com

This entry was posted in 個人, 化妝, 活動, 興趣, 護膚 and tagged , , , , . Bookmark the permalink.