◤真正鮮海鮮粥底火鍋◢ ‧【❤ 發哥粥底海鮮火鍋(觀塘)】

其實吃火鍋無分四季 除左麻辣鍋、椰子雞鍋 粥底火鍋亦好受歡迎
特別是對於喜歡吃海鮮的來說 確實是不錯選擇
雖然說炎夏吃火鍋比較燥熱 不過偶爾一吃亦無傷大雅
跟飯腳不是特別喜歡吃海鮮 不過剛好相約係觀塘
觀塘特別多隱世工廈美食點 正好搵到發哥粥底海鮮火鍋
餐廳位觀塘工業區地帶 位置不算隱蔽 

舖面裝潢濶落乾淨開明 座位間空感好足 有卡位有圓枱 坐得舒適

餐廳日頭係360冰室茶餐廳 供應港式茶餐 而夜晚就主打粥底海鮮火鍋
望望餐牌 海鮮火鍋就已經有兩款可選包括七款海鮮 

例如生猛龍蝦/奄仔肉蟹、海蝦、蟶子、蚌、鮑魚、沙白、多寶魚,安格斯牛肩肉
仲有八款自選配料連粥底 (粥膽、南瓜粒、芋頭粒、粟米粒)

全部人頭份量 而且飲品任飲
買開海鮮食慣都知 有質素既海鮮價位唔會平
以二百多元一位來說 有新鮮海上鮮加任飲無時限 實在是物超所值


點餐後 會先送上粥水湯底 先吃海鮮再吃火鍋配料
未吃火鍋前 店員先送上兩款前菜 是手拍蒜泥青瓜同凍花生

青瓜帶點微辣 爽脆香口 非常開胃 凍花生味道濃郁 作為下酒菜更為不錯

仲有時令燉湯姫松茸燉雞 真材實料 味道鮮甜滋補 令人難忘
點少得小食 是蒜蓉泰醬青口 不論口感味道都頗特別

食落沒有絲毫違和感 仲突出左青口既鮮美 估唔到幾夾
值得一提是 餐廳有自家製竹蔗水 

味道清淡略帶輕微甜味 火鍋後飲用來下火實在不錯
跟飯腳點了龍蝦同蟹套餐各一 既可以多試口味亦可以令粥底更鮮甜

海鮮配料份量頗豐富 雖然龍蝦只有半隻 不過都非常大隻 即叫即劏頗新鮮
肉質肥厚 食落富鮮味爽口彈牙  海蝦一人兩隻 口感爽彈鮮甜
蟶子、蚌同樣地非常新鮮 是帶有淡淡海水味道既鮮甜味

鮑魚上枱時仍然生猛會動 質感軟腍有咬口
沙白份量不少 乾淨無沙 肉質飽滿

多寶魚肉質嫩滑 未見特別多細骨
安格斯牛肩肉 雖然遠比肥牛肉味不算香濃

不過勝在肉質細膩香嫩 油花分佈均勻
自選配料質素亦算不俗

點了黑豚肉、滑牛肉、竹笙、豬潤、釀冬菇、花膠、自家製墨魚滑、黃帝菜

黑豚肉同滑牛肉 味道頗濃郁 口感細滑
自家製墨魚滑 打得唔會死實 咬落爽彈有口感

釀冬菇 頗特別既一道配料 用上蝦膠釀落鮮冬菇 令本來清淡既冬菇帶點蝦香鮮甜

花膠軟腍細滑 完全是女生必備
餐廳會等待客人差不多吃完時送上粥膽及配料

 

只需將粥膽及配料下鍋 待煮至腍身至滾就可以了

 

粥底份量頗多 食落非常鮮甜 綿滑細膩
畢竟海鮮質素高 難怪粥底鮮美好吃

發哥粥底海鮮火鍋(觀塘)
觀塘成業街19-21號成業工業大廈地下1號舖

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages/

This entry was posted in 中國菜, 九龍, 火鍋. Bookmark the permalink.