新一年新希望 當然要食餐好既去旺一旺=P 跟飯腳相約去左銅鑼灣附近搵搵新菜式之餘順便放放空 呢間以現代歐陸菜式作主打既Tipsy Restaurant & Bar 位於銅鑼灣與天后之間的大坑 靜中帶旺 食肆林立 裝潢以30年代Art Deco風格為題 簡約優雅 環境闊落舒適 Tipsy有露台 想享受一下日光自然風當一下優雅文青也頗適合 Tipsy更設有開放式廚房 讓食客可以一邊品嚐美食 未點餐就已經先興奮 $178有生蠔4隻+白酒2杯 對於喜歡生蠔加白酒既朋友來說簡直就是喜訊 除左生蠔白酒仲有Free Flow 紅白酒仲有Prosecco 午餐都只需加$138就可以任飲 宵夜都只需$188 愛酒人士見到必定心心眼 於是正餐都未點就已經同飯腳先來一輪=P 甜甜地易入口質量不錯 令人一飲再想飲 Tipsy既lunch set內容非常豐富 包一道前菜、主菜、甜品以及飲品 單是前菜就已經有5道可選 包括餐湯 而主菜更有6道可選 可謂花多眼亂 糾結了一會決定試試 Waldorf Salad with Crispy Parma Ham 材料豐富 除左有新鮮沙律菜 仲有清甜爽口既青紅蘋果粒 提子粒 薯仔粒 合桃同香脆可口既Parma Ham 咸咸地既Parma Ham脆片配上沙律菜味道好夾 唔會令人感到違和 味道豐富 Caesar Salad with Home Cured Salmon and Homemade dressing 煙三文魚嫩滑唔會咸 配合自製soucing 清淡得來更能突顯菜既新鮮甜美 有種小清新 前菜配合即烤健康麥包 麵包外脆內軟帶有淡淡烤焦味 感覺清新獨特唔油膩 Charcoal Grilled Spring Chicken with Potato Gartin, Tomato and Black Olive Salsa 香草氣味撲鼻 香料完全滲透整隻雞 別具異國風味 肉汁豐富 肉質嫩滑 沒有絲毫雪味 Potato Gartin富有香濃牛油香 外脆內軟 味道層次豐富 USDA Ribeye 8oz, Mashed Potato, Shallot Sauce 煎得微焦香氣四溢既Ribeye 上枱時實在非常吸晴 Ribeye煎得香軟唔會硬 輕輕一刀就已經可以輕易切開 外脆內軟既Ribeye香酥可口 肥瘦均勻 入口嫩滑多汁口感細緻 肉味濃郁豐富 牛香滿滿 伴碟既薯蓉富有香濃牛油味 口感香軟柔滑 實在令人一口接一口停不了 呢度既甜品係自家製 仲要日日不同款式 Mango panna cota入口即溶 奶香味濃軟滑可口 仲有淡淡果香 芒果味不會太濃烈 完全吃得出誠意之作 看來Tispy網上獲好評甚多 絕不是浪得虛名 Tispy Restaurant & Bar 大坑銅鑼灣道98號1樓 就此,謝謝喔~ Blog link: http://nataliecc.theztyle.com Email: natalie_911999@yahoo.com.hk https://www.facebook.com/natalieccdevoyages/