#菲菲瘋狂地牙仔 #媽媽瘋狂地無覺好訓 睇到嗎各位? 呢段時間由4隻出到7隻 7隻隔離白白地既牙肉入面 又有3至4隻準備要出黎 只要隻牙仔穿到出牙肉出面 菲菲就會舒服好多 一直係牙肉入面既時候 菲菲好難受 但媽媽都跟住難受 琴晚11點訓著 2點又喊醒 幾經辛苦玩到佢又訓著 到媽媽準備收捨殘局 洗埋衫 洗埋奶樽 準備上床 睇左陣電話 正當睡意正濃既時後 菲菲又醒了 3點幾又醒了 媽媽又再 崩潰了 安撫唔到佢既牙痛 日頭重可以拎d凍水果比佢咬下 但半夜乜都做唔到 因為佢由細到大都唔鐘意咬奶咀咬牙膠 媽媽一野彈起身 扎好頭髮 準備又上戰場同佢作戰到底 最後 為左幫佢分散痛楚既注意力 媽媽雙眼插滿牙簽都要奉陪到底 最終菲菲係早上8點訓左,媽媽8點半終於可以訓了 然後1點又醒了 #媽媽從來都唔覺得自己係一個有耐性既人 但自從做左媽媽後 媽媽即使想瘋狂 想發瘋 卻也被這所謂的母愛擊敗了 記得上個月去左菲菲鱷魚姨媽到住左2晚 2晚菲菲都訓唔到 太興奮 一直想搵人玩 媽媽3日訓唔夠十個鐘 容忍力就爆既時候 當時零晨4點鐘 我拎起孭帶 孭起菲菲 然後深呼吸左一下 抬高隻腳 擒咗上去 部太空漫步機到... 一路孭住菲菲 一路做運動 當對腳行到就斷時 菲菲都重未比我行到訓著 我唯有再堅持落去 我心諗 只要再堅持多陣 菲菲一定會訓著 但 唔知行左幾耐 我對腳已經軟哂 正當想放棄時 突然間有人開房門 原來 鱷魚姨媽醒左 聽到我房有聲入黎睇睇 佢見我係部機上 咁奇怪 我都佢嚇到六神無主 唔知比咩反應 唯有講句:「um..我同菲菲做緊晨運..」 然後 佢抱左菲菲出去 媽媽我 終於 終於 脫離左個小魔蛋 可以上床訓了 當時係早上6點半 早抖菲菲 謝謝 鱷魚姨媽 #菲菲14months #生牙出牙 #欲哭無淚的日子 #育兒日記