Paul & Joe嘅美妝產品,向來深得女生歡迎, 全因其可愛特別嘅包裝設計,質地又好,令一眾即使唔經常化妝嘅女生, 都會乖乖自動付上金錢帶回家,仲靚到會唔捨得用! 早前出席Paul & Joe新春彩妝系列發佈,成間店以巴黎花店為主題, 被叢叢嘅鮮花包圍著,就好似喺花花世界入面扮靚咁, 試問那一位女生可以不喜歡?! PAUL & JOE 春季彩妝產品,靈感嚟自巴黎街角嘅鮮花店, 用鮮豔嘅花朵為主題,產品以一貫法式少女風示人。 無論包裝、定係產品色調,都好似鮮花一樣咁鮮艷奪目, 為春日妝容增添樂趣! 店內有好多好靚同充滿少女心嘅打卡位,呢支大大支嘅貓貓唇膏, 實在太可愛,好似望住我叫我帶佢返屋企咁啊,瞄~ 連cupcake上面都放滿色彩繽紛嘅食用花, 當日真係無論喺味覺、嗅覺同視覺都充滿花香! 新產品除左有精緻嘅花花圖案,仲會有絲絲花味清香, 洋溢著春天浪漫氣息,同品牌宗旨「Joie De Vivre-生活的喜悅」一貫, 所以當用起嚟嘅時候,心情都會特別好。 春日花漾三色眼影 3款 HK$240 靈感嚟自鮮花禮盒,打開禮盒好似放滿咗豐富多彩嘅鮮花一樣, 本身以為睇落咁鮮色一定好難襯同好誇張, 但當日經專業化妝師指導彩妝技巧後,發現超好用, 不單止毫無違和感,顯色度亦好高,用時無任何飛粉問題, 而且仲可以同時當眼影、胭脂同埋陰影光影等,一物三用! 帶有花香氣味再加上精緻嘅花花圖案,用起上來感覺特別愉快, 三隻色之中,我最喜歡呢盒#117,屬於較為偏紅色嘅調子, 一盒就能夠化上一個同色系妝容,大愛! 春日花漾唇膏芯 5 款 HK$160 時尚印花唇膏筒 3 款 HK$100 好似花瓣般精緻嘅色調唇膏,配上印有春天氣息花朵圖案唇膏筒, 絕對充滿春天氣息。 唇膏質地滋潤有光澤,其實一向品牌唇膏都出名滋潤度高, 因為成分中含有高濃度油分,所以用時能形成一層保濕屏障, 不但可以修護咀唇,而且顯色度亦相當高。 其實五個色調我都非常喜歡,不過平日眼妝我化得比較清淡, 所以唇膏就會選擇偏紅色,能成為妝容重點。 一讚唇膏不輕易掉色,再加上唇膏外殼有多款選擇, 怎能不帶這支PJ唇膏出街呢!! 春日花漾走珠香氛 3款 HK$150 今次發佈最令我觸目嘅,當然係首次推出花香走珠香氛, 又方便又特別,細細支放喺袋幾時用都可以, 香調包括玫瑰、小蒼蘭同牡丹花,小巧嘅走珠香氛, 設計本來就深得女生心,再加上香味非常討好, 而且價錢又合理,絕對不能不帶回家。 我最喜歡嘅為清優高雅牡丹花香同玫瑰花香, 前者香氣清新又較特別少見,後者香氣持續,能夠保持一整天好心情。 活動當日專業化妝師指導咗我化一個耳目一新嘅美妝, 新年見親戚朋友時更紅粉菲菲,青春可人示人。 只係用上春日花漾三色眼影同春日花漾唇膏就能夠大變身! 無諗過原來自己可以carry到粉紅色嘅眼影, 睇落好精神而且即刻少女味大增,成個妝都洋溢著春天浪漫氣息。 快啲趁住假期,試試全新春日花漾彩妝美妝系列啦, 我就最推薦全新推出嘅走珠香氛,真係好香又方便,價錢又唔貴。 PAUL & JOE 美容專門店: 尖沙咀河內道道K11購物藝術館 B222 電話 : 2890 9882 Website:www.paulandjoe-beaute.hk Facebook:www.facebook.com/PAULANDJOEBEAUTEHK ❝ Provided By Paul & Joe❞ 聯絡MsJovi: ww.jovi@ymail.com / www.facebook.com/blogger.ms.jovi Blogspot She Elle BeautyExchange UBeauty TheZtyle SheWIn Cosmopolitan FaceBook WeShare OpenRice 免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場, 如需協助或希望獲得更多有關產品資訊, 請直接聯絡該品牌查詢 #paulandjoebeautehk #pjhk