Happy Friday (3/5)! 今晚好榮幸有alice帶我地出黎威,試紅酒同... 食牛? 仲要去黃長興主理既La Mer 度試紅酒參與 Don Jacobo 西班牙晚宴, 亦好榮幸聽到Mr. Carlos Rubio (酒莊行政總裁兼釀酒師) 為我地介紹紅酒,廣闊左我既視野 其實我唔食牛既,我都好怕今晚會浪費左Alice既心意, 所以好多謝呢次職員們既細心安排到岩食既而冇浪費到Alice既心意... 除左頭盤係大家都一齊都係食三文魚紅菜頭macaron 之後,其他野都係牛肉,所以先有我呢個三文魚他他醬包而成為今晚既大滿足! 紅酒1) Don Jacobo Crianza 2014~ 果濃度中等,隻酒配有醬汁既starter 都幾特別 原來洋蔥湯都係牛肉,而且個外形都好靚 (可惜!) 所以工作人員親致為我送上左磨菇湯,加左黑松露醬令到個湯香味好撲鼻 紅酒2) Don Jacobo Reserva 2011~ 我同其他同枱既美女都好鐘意,仲light,仲易入口果第一隻酒,普遍我覺得女性係會比較喜歡多D 甜品: 呢個精致既檸檬味既甜品有種擺入即溶既驚喜,因為個main course 食牛扒/燒春雞,所以都要食帶少少酸性既食品堅持去到戲慾 Main Course: 其他人食緊炭燒美國優質腹肉牛扒時,我就食燒春雞,今次加左汁既燒春雞又滑,個賣相又高貴,平時唔食燒春雞既我真係覺得呢個Friday 係Super Happy Friday! 紅酒3) Altos De Corral Barrel Fermented 2011- 本人覺得呢隻酸左少少,但反而食緊牛肉既朋友就覺得好飲 (支酒我帶埋返屋企同老公飲住黎過Happy Weekend)... 仲有最芝士拼盤既olive oil toast 加埋maple syrup 真係好正,個maple syrup 厚身同埋入到口覺得個texture 幾滑,如果加左芝士一齊食,就會好似牛油蜜糖同多士既組合 4) Altos De Coral Single Estate 2009- Save the best for last! 呢隻酒都好好飲,尤其係我本身都好鐘意紅酒配芝士做perfect match! 原來佢都有好多威水史: 2016年攞過3項獎- 德國Munud Vini 國際葡萄酒大賽 (金獎), 國際葡萄酒挑戰賽 (銀獎) 同品醇客世界葡萄酒大獎賽 (銅獎) 總結: Don Jacobo 主要用既Rioja既皇牌葡萄- Tempranillo, 當地最高質葡萄釀出黎既紅酒,倒出來既酒都係紅得黎帶透明度,所以每杯酒倒出黎都有種優雅既姿態在內 三月至四月去完西葡既我真係想講我真係未玩夠,唯獨是爭緊既野就係一個可以入去酒莊參觀同體驗既機會。 Service同環境我都好滿意,多謝您地為我呢個唔食紅肉既吃貨特安排三文魚他他同咁靚咁滑既燒春雞,您地既細心服務態度,同埋Foodwise 既職員個個都和藹親切, 所以我都Join 左做Foodwise 既member準備睇下您地有咩素食品先