身為大肚working mommy, 永遠都覺得休息唔夠, 但我都想每星期可以開爐一次整下野食, 就算係簡單甜品都好, 過程開心食落肚又開心!! 今次介紹大家呢包天仁茗茶綠茶粉~~~ 堅好味! 堅香綠茶味呀! 我係百佳買到, 但唔常見到有貨, 可能天仁茗茶都買到~~ 一包可以用好耐, 可能我慳住用掛~ XDXD 每次5-10g已勁夠味~~ 可以沖水飲、做奶凍、焗蛋糕pancake, 乜都得架!! 先排我就用佢黎整左 \\綠茶椰汁千層糕\\ 同 \\綠茶蛋白蛋糕\\ 超好食! 超好食! 超好食! 終於有時間分享埋個食譜喇~~!! \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\綠茶蛋白蛋糕\\ 因為我之前做了燉蛋, 剩下了3個蛋白..... 第二天就用來做了這個天使蛋糕! 點解會叫做天使蛋糕~ 因為只用蛋白來做這個蛋糕, 出來的蛋糕顏色清爽雪白, 所以坊間就會叫此為天使蛋糕~ 今次我加了綠茶粉, 一樣咁輕盈清甜~ 沒負擔的甜點呢~ (6"長方形蛋糕模) 材料: 蛋白 3個 細砂糖 45g 低筋麵粉 40g 綠茶粉 1.5tsp (按喜好) 做法: 1) 將3個蛋白打到起泡, 加入一半砂糖, 打至開始有紋路, 再加入餘下砂糖, 打至企身. 2) 低筋麵粉加綠茶粉一起過篩, 分次拌入到 (1) 3) 均勻倒入模具, 輕力拍打, 打走大氣泡. 4) 焗爐預熱後, 用170度焗25mins 5) 用牙簽插入無粉漿即可 6) 倒扣放涼, 完成! \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\綠茶椰汁千層糕\\ (*´艸`*) 又是之前餘下的材料, 要清一清喔!!! 椰汁, 是做椰汁西米露餘下的...... 馬蹄粉, 是做馬蹄糕餘下的...... 為什麼我每次整完野食都會有剩餘品, 結果要一直巡迴再做再剩再做再剩~~~ XDXD 好多人會用木薯粉, 成品會煙韌; 用魚膠粉, 方便, 但只可凍食. 今次我會用馬蹄粉~~ 爽身一點的~~ 材料: 綠茶部分: 馬蹄粉 90克 水 500ml 砂糖 100克 綠茶粉 15克 椰汁部分: 馬蹄粉 80克 水 230ml 砂糖 100克 椰漿 270ml 做法: 1) 綠茶部分: - 將水分成兩份, 一份加入馬蹄粉及綠茶粉, 攪勻至無顆粒, 過篩, 令其更滑身. - 另一份加入砂糖, 煮溶後, 調小火, 放一勺綠茶馬蹄漿到糖水中, 攪拌至如同勾芡感覺. - 關火, 待涼, 將剩餘的綠茶馬蹄漿全部倒入綠茶馬蹄糖水中, 邊倒邊攪拌. 2) 椰汁部分: - 將椰漿放入馬蹄粉, 攪勻至無顆粒, 過篩, 令其更滑身. - 將水加入砂糖, 煮溶後, 調小火, 放一勺椰汁馬蹄漿到糖水中, 攪拌至如同勾芡感覺. - 關火, 待涼, 將剩餘的椰汁馬蹄漿全部倒入椰汁馬蹄糖水中, 邊倒邊攪拌 3) 開火準備蒸盤容器, 每次放一勺, 梅花間竹咁放綠茶馬蹄漿同椰汁馬蹄漿, 每一勺蒸約3-5mins, 不斷重複重複!! ((這個步驟真的好令人眼訓...)) 4) 最後一層放綠茶馬蹄漿, 成品會比較漂亮, 再多蒸約15mins就完成. 5) 剛蒸好會比較軟身, 很難切的, 最好待涼常溫就可以了. 放入雪櫃冷藏幾小時, 味道更好~! 這款熱食同凍食也可以! 因為我家中的容器都不是太大, 所以做出來是向上發展的XDXD 好高的綠茶椰汁千層糕~~ 味道非常之好吃! 不會太甜, 因為我個人偏愛不太甜, 有減少份量, 如大家喜歡甜甜的, 可將砂糖份量由每部分100克加至130克. \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ 下次用綠茶粉做咩甜品好呢~~~ 有推薦的食譜嗎???? * * * * * * 更多中式甜點: [簡太廚房] 養顏美容~ 紅棗發糕~! [簡太廚房] 春節限定✿桂花馬蹄糕✿ [簡太廚房] 滋補甜品~~ 杞子桂圓海燕椰皇 + 桂花桂圓海燕椰皇 圓肉杞子桂花糕 更多西式蛋糕: [簡太廚房] 光波鑪食譜 - 朱古力蛋糕 17M BB都食得! [簡太廚房] (有片) 用班戟粉焗蛋糕! 檸檬杯子蛋糕製作過程! [簡太廚房] 蘋果玫瑰酥 其他食譜: ☆簡太廚房☆ * * * * * * Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55) Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk