哈哈, 又來CAMBO食泰國菜~! 難得老公來接我收工, 不想再跑來跑去, 所以在尖沙咀晚餐吧! 位於the one 的CAMBO好方便, 岩晒我係樓下超市買完野就上去食飯~~ 七點左右, 未滿座, 仲可以有4人窗邊檯坐, hehe~ 舒服好多~~ 餐廳多是4人檯, 很適合人少聚會呢~ 點擊圖片放大 餐牌同上次來的一樣 ((沒加價, 好感恩!! 尖沙咀的加幅真的令人吃不消>_<)) 有前菜小食、炸物、串燒、海鮮、小菜等等, 泰越菜的款式果真多到令人有選擇困難!!! 泰式烤豬頸肉!! 肉質偏軟, 好香的燒烤味! 上菜時未算太燙口. 沾上醬汁非常惹味!!! 冬陰功大蝦湯粉~ 因為老公超級超級超級掛念泰菜~ 所以點了他最愛的冬陰功! 湯味道非常正宗, 有辣有酸, 很開胃~! 仲有大大隻蝦, 啖啖肉無雪味架! 仲有蝦膏添~ 這道湯粉抵食必點!!!! ((差不多連湯都喝光XD)) 泰式明爐大蜆鍋 見別人點了, 好像很吸引, 我們也要了一鍋! 大蜆放得很有心思喔!! 隻蜆有我手心咁大架!!! 用上香茅、薑、辣椒、芫荽及青檸, 味道不算太辣, 但會令人口水直流喔!! 鍋底仲有粉絲同蔬菜, 入晒味, 好正呢~~ 泰式通菜~ 炒得剛剛好, 不會老~~ 份量就有點少, 味道偏辣, 老公讚好食! 泰式炒飯 可選豬、牛、雞 來炒的, 我們選了雞肉~~ 對於平時食小辣的我來說, 這味就有點太辣了! 所以都送給老公去解決, 佢當然樂意配合! 是晚我倆都吃得開心, 雖然我不久前才去泰國出差回來~ 但老公就很多年沒去了, 所以特別想食泰菜! 位置方便, 環境舒服, 價錢合理, 味道正宗, 真的大滿足!! * * * * * * Cambo ขุนทอง 尖沙咀彌敦道100號The ONE 4樓L403舖 T: 2718 6022 * * * * * * Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk